2.3.3 မဏိထူဏဝိမာနဝတ္ထု
Review
1126.
975
“ဥစ္စမိဒံ မဏိထူဏံ ဝိမာနံ,
သမန္တတော ဒွါဒသ ယောဇနာနိ;
ကူဋာဂါရာ သတ္တသတာ ဥဠာရာ,
ဝေဠုရိယထမ္ဘာ ရုစကတ္ထတာ သုဘာ.
1127.
976
တတ္ထစ္ဆသိ ပိဝသိ ခါဒသိ စ,
ဒိဗ္ဗာ စ ဝီဏာ ပဝဒန္တိ ဝဂ္ဂုံ;
ဒိဗ္ဗာ ရသာ ကာမဂုဏေတ္ထ ပဉ္စ,
နာရိယော စ နစ္စန္တိ သုဝဏ္ဏဆန္နာ.
(1128–1129.)
977
ကေန တေတာဒိသော ဝဏ္ဏော,
_ …ပေ… _
ဝဏ္ဏော စ တေ သဗ္ဗဒိသာ ပဘာသတီ”တိ.
1130.
978
သော ဒေဝပုတ္တော အတ္တမနော,
_ …ပေ… _
ယဿ ကမ္မဿိဒံ ဖလံ.
1131.
979
“အဟံ မနုဿေသု မနုဿဘူတော,
ဝိဝနေ ပထေ သင်္ကမနံ အကာသိံ;
အာရာမရုက္ခာနိ စ ရောပယိဿံ,
ပိယာ စ မေ သီလဝန္တော အဟေသုံ;
အန္နဉ္စ ပါနဉ္စ ပသန္နစိတ္တော,
သက္ကစ္စ ဒါနံ ဝိပုလံ အဒါသိံ.
(1132–1133.)
980
တေန မေတာဒိသော ဝဏ္ဏော,
_ …ပေ… _
ဝဏ္ဏော စ မေ သဗ္ဗဒိသာ ပဘာသတီ”တိ.
981
မဏိထူဏဝိမာနံ တတိယံ.