2.4.12 နိရောဓဓမ္မသုတ္တ
Review
205.
903
သာဝတ္ထိနိဒါနံ. ဧကမန္တံ နိသိန္နံ ခေါ အာယသ္မန္တံ ရာဓံ ဘဂဝါ ဧတဒဝေါစ— “ယော ခေါ, ရာဓ, နိရောဓဓမ္မော; တတြ တေ ဆန္ဒော ပဟာတဗ္ဗော, ရာဂေါ ပဟာတဗ္ဗော, ဆန္ဒရာဂေါ ပဟာတဗ္ဗော. ကော စ, ရာဓ, နိရောဓဓမ္မော? ရူပံ ခေါ, ရာဓ, နိရောဓဓမ္မော; တတြ တေ ဆန္ဒော ပဟာတဗ္ဗော, ရာဂေါ ပဟာတဗ္ဗော, ဆန္ဒရာဂေါ ပဟာတဗ္ဗော. ဝေဒနာ …ပေ… သညာ …ပေ… သင်္ခါရာ …ပေ… ဝိညာဏံ နိရောဓဓမ္မော; တတြ တေ ဆန္ဒော ပဟာတဗ္ဗော, ရာဂေါ ပဟာတဗ္ဗော, ဆန္ဒရာဂေါ ပဟာတဗ္ဗော. ယော ခေါ, ရာဓ, နိရောဓဓမ္မော; တတြ တေ ဆန္ဒော ပဟာတဗ္ဗော, ရာဂေါ ပဟာတဗ္ဗော, ဆန္ဒရာဂေါ ပဟာတဗ္ဗော”တိ.
904
ဥပနိသိန္နဝဂ္ဂေါ စတုတ္ထော.
905
တဿုဒ္ဒါနံ
906
မာရော စ မာရဓမ္မော စ,
အနိစ္စေန အပရေ ဒုဝေ;
ဒုက္ခေန စ ဒုဝေ ဝုတ္တာ,
အနတ္တေန တထေဝ စ;
ခယဝယသမုဒယံ,
နိရောဓဓမ္မေန ဒွါဒသာတိ.
907
ရာဓသံယုတ္တံ သမတ္တံ.