9.1.4 သမ္ဗဟုလသုတ္တ
Review
224.
1395
ဧကံ သမယံ သမ္ဗဟုလာ ဘိက္ခူ ကောသလေသု ဝိဟရန္တိ အညတရသ္မိံ ဝနသဏ္ဍေ. အထ ခေါ တေ ဘိက္ခူ ဝဿံဝုဋ္ဌာ တေမာသစ္စယေန စာရိကံ ပက္ကမိံသု. အထ ခေါ ယာ တသ္မိံ ဝနသဏ္ဍေ အဓိဝတ္ထာ ဒေဝတာ တေ ဘိက္ခူ အပဿန္တီ ပရိဒေဝမာနာ တာယံ ဝေလာယံ ဣမံ ဂါထံ အဘာသိ—
1396
“အရတိ ဝိယ မေဇ္ဇ ခါယတိ,
ဗဟုကေ ဒိသွာန ဝိဝိတ္တေ အာသနေ;
တေ စိတ္တကထာ ဗဟုဿုတာ,
ကောမေ ဂေါတမသာဝကာ ဂတာ”တိ.
1397
ဧဝံ ဝုတ္တေ, အညတရာ ဒေဝတာ တံ ဒေဝတံ ဂါထာယ ပစ္စဘာသိ—
1398
“မာဂဓံ ဂတာ ကောသလံ ဂတာ,
ဧကစ္စိယာ ပန ဝဇ္ဇိဘူမိယာ;
မဂါ ဝိယ အသင်္ဂစာရိနော,
အနိကေတာ ဝိဟရန္တိ ဘိက္ခဝေါ”တိ.