9.1.6 အနုရုဒ္ဓသုတ္တ
Review
226.
1402
ဧကံ သမယံ အာယသ္မာ အနုရုဒ္ဓေါ ကောသလေသု ဝိဟရတိ အညတရသ္မိံ ဝနသဏ္ဍေ. အထ ခေါ အညတရာ တာဝတိံသကာယိကာ ဒေဝတာ ဇာလိနီ နာမ အာယသ္မတော အနုရုဒ္ဓဿ ပုရာဏဒုတိယိကာ ယေနာယသ္မာ အနုရုဒ္ဓေါ တေနုပသင်္ကမိ; ဥပသင်္ကမိတွာ အာယသ္မန္တံ အနုရုဒ္ဓံ ဂါထာယ အဇ္ဈဘာသိ—
1403
“တတ္ထ စိတ္တံ ပဏိဓေဟိ,
ယတ္ထ တေ ဝုသိတံ ပုရေ;
တာဝတိံသေသု ဒေဝေသု,
သဗ္ဗကာမသမိဒ္ဓိသု;
ပုရက္ခတော ပရိဝုတော,
ဒေဝကညာဟိ သောဘသီ”တိ.
1404
“ဒုဂ္ဂတာ ဒေဝကညာယော,
သက္ကာယသ္မိံ ပတိဋ္ဌိတာ;
တေ စာပိ ဒုဂ္ဂတာ သတ္တာ,
ဒေဝကညာဟိ ပတ္ထိတာ”တိ.
1405
“န တေ သုခံ ပဇာနန္တိ,
ယေ န ပဿန္တိ နန္ဒနံ;
အာဝါသံ နရဒေဝါနံ,
တိဒသာနံ ယသဿိနန်”တိ.
1406
“န တွံ ဗာလေ ဝိဇာနာသိ,
ယထာ အရဟတံ ဝစော;
အနိစ္စာ သဗ္ဗသင်္ခါရာ,
ဥပ္ပါဒဝယဓမ္မိနော;_
ဥပ္ပဇ္ဇိတွာ နိရုဇ္ဈန္တိ,_
တေသံ ဝူပသမော သုခေါ.
1407
နတ္ထိ ဒါနိ ပုနာဝါသော,
ဒေဝကာယသ္မိ ဇာလိနိ;
ဝိက္ခီဏော ဇာတိသံသာရော,
နတ္ထိ ဒါနိ ပုနဗ္ဘဝေါ”တိ.