2.5.10 ဗာဟိရင်္ဂသုတ္တ
Review
231.
550
“ဗာဟိရံ, ဘိက္ခဝေ, အင်္ဂန္တိ ကရိတွာ နာညံ ဧကင်္ဂမ္ပိ သမနုပဿာမိ သတ္တန္နံ ဗောဇ္ဈင်္ဂါနံ ဥပ္ပါဒါယ, ယထယိဒံ— ဘိက္ခဝေ, ကလျာဏမိတ္တတာ. ကလျာဏမိတ္တဿေတံ, ဘိက္ခဝေ, ဘိက္ခုနော ပါဋိကင်္ခံ— သတ္တ ဗောဇ္ဈင်္ဂေ ဘာဝေဿတိ, သတ္တ ဗောဇ္ဈင်္ဂေ ဗဟုလီကရိဿတိ. ကထဉ္စ, ဘိက္ခဝေ, ဘိက္ခု ကလျာဏမိတ္တော သတ္တ ဗောဇ္ဈင်္ဂေ ဘာဝေတိ, သတ္တ ဗောဇ္ဈင်္ဂေ ဗဟုလီကရောတိ? ဣဓ, ဘိက္ခဝေ, ဘိက္ခု သတိသမ္ဗောဇ္ဈင်္ဂံ ဘာဝေတိ ဝိဝေကနိဿိတံ …ပေ… ဥပေက္ခာသမ္ဗောဇ္ဈင်္ဂံ ဘာဝေတိ ဝိဝေကနိဿိတံ ဝိရာဂနိဿိတံ နိရောဓနိဿိတံ ဝေါဿဂ္ဂပရိဏာမိံ. ဧဝံ ခေါ, ဘိက္ခဝေ, ဘိက္ခု ကလျာဏမိတ္တော သတ္တ ဗောဇ္ဈင်္ဂေ ဘာဝေတိ, သတ္တ ဗောဇ္ဈင်္ဂေ ဗဟုလီကရောတီ”တိ.
551
ဒသမံ.
552
စက္ကဝတ္တိဝဂ္ဂေါ ပဉ္စမော.
553
တဿုဒ္ဒါနံ
554
ဝိဓာ စက္ကဝတ္တိ မာရော,
ဒုပ္ပညော ပညဝေန စ;
ဒလိဒ္ဒေါ အဒလိဒ္ဒေါ စ,
အာဒိစ္စင်္ဂေန တေ ဒသာတိ.