3.1 သုက္ကဝိဿဋ္ဌိ
Review
97.
498
တေန သမယေန ဗုဒ္ဓေါ ဘဂဝါ သာဝတ္ထိယံ ဝိဟရတိ ဇေတဝနေ အနာထပိဏ္ဍိကဿ အာရာမေ. တေန ခေါ ပန သမယေန အာယသ္မာ ဥဒါယီ ဧကံ အာပတ္တိံ အာပန္နော ဟောတိ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ. သော ဘိက္ခူနံ အာရောစေသိ— “အဟံ, အာဝုသော, ဧကံ အာပတ္တိံ အာပဇ္ဇိံ သဉ္စေတနိကံ သုက္ကဝိဿဋ္ဌိံ အပ္ပဋိစ္ဆန္နံ. ကထံ နု ခေါ မယာ ပဋိပဇ္ဇိတဗ္ဗန်”တိ? ဘဂဝတော ဧတမတ္ထံ အာရောစေသုံ. “တေန ဟိ, ဘိက္ခဝေ, သံဃော ဥဒါယိဿ ဘိက္ခုနော ဧကိဿာ အာပတ္တိယာ သဉ္စေတနိကာယ သုက္ကဝိဿဋ္ဌိယာ အပ္ပဋိစ္ဆန္နာယ ဆာရတ္တံ မာနတ္တံ ဒေတု. ဧဝဉ္စ ပန, ဘိက္ခဝေ, ဒါတဗ္ဗံ—