2.2.17 ကုလဒူသကသိက္ခာပဒ
Review
2421
ဥဒ္ဒိဋ္ဌာ ခေါ, အယျာယော, သတ္တရသ သံဃာဒိသေသာ ဓမ္မာ— နဝ ပဌမာပတ္တိကာ, အဋ္ဌ ယာဝတတိယကာ. ယေသံ ဘိက္ခုနီ အညတရံ ဝါ အညတရံ ဝါ အာပဇ္ဇတိ, တာယ ဘိက္ခုနိယာ ဥဘတောသံဃေ ပက္ခမာနတ္တံ စရိတဗ္ဗံ. စိဏ္ဏမာနတ္တာ ဘိက္ခုနီ ယတ္ထ သိယာ ဝီသတိဂဏော ဘိက္ခုနိသံဃော တတ္ထ သာ ဘိက္ခုနီ အဗ္ဘေတဗ္ဗာ. ဧကာယပိ စေ ဦနော ဝီသတိဂဏော ဘိက္ခုနိသံဃော တံ ဘိက္ခုနိံ အဗ္ဘေယျ. သာ စ ဘိက္ခုနီ အနဗ္ဘိတာ, တာ စ ဘိက္ခုနိယော ဂါရယှာ, အယံ တတ္ထ သာမီစိ.
2422
တတ္ထာယျာယော ပုစ္ဆာမိ— “ကစ္စိတ္ထ ပရိသုဒ္ဓါ”? ဒုတိယမ္ပိ ပုစ္ဆာမိ— “ကစ္စိတ္ထ ပရိသုဒ္ဓါ”? တတိယမ္ပိ ပုစ္ဆာမိ— “ကစ္စိတ္ထ ပရိသုဒ္ဓါ”? ပရိသုဒ္ဓေတ္ထာယျာယော, တသ္မာ တုဏှီ, ဧဝမေတံ ဓာရယာမီတိ.
2423
သတ္တရသကံ နိဋ္ဌိတံ.
ဘိက္ခုနိဝိဘင်္ဂေ သံဃာဒိသေသကဏ္ဍံ နိဋ္ဌိတံ.