1.44 အနာပုစ္ဆာဝရဏဝတ္ထု
Review
108.
479
တေန ခေါ ပန သမယေန ဆဗ္ဗဂ္ဂိယာ ဘိက္ခူ ဥပဇ္ဈာယေ အနာပုစ္ဆာ သာမဏေရာနံ အာဝရဏံ ကရောန္တိ. ဥပဇ္ဈာယာ ဂဝေသန္တိ— “ကထံ နု ခေါ အမှာကံ သာမဏေရာ န ဒိဿန္တီ”တိ. ဘိက္ခူ ဧဝမာဟံသု— “ဆဗ္ဗဂ္ဂိယေဟိ, အာဝုသော, ဘိက္ခူဟိ အာဝရဏံ ကတန်”တိ. ဥပဇ္ဈာယာ ဥဇ္ဈာယန္တိ ခိယျန္တိ ဝိပါစေန္တိ— “ကထဉှိ နာမ ဆဗ္ဗဂ္ဂိယာ ဘိက္ခူ အမှေ အနာပုစ္ဆာ အမှာကံ သာမဏေရာနံ အာဝရဏံ ကရိဿန္တီ”တိ. ဘဂဝတော ဧတမတ္ထံ အာရောစေသုံ. “န, ဘိက္ခဝေ, ဥပဇ္ဈာယေ အနာပုစ္ဆာ အာဝရဏံ ကာတဗ္ဗံ. ယော ကရေယျ, အာပတ္တိ ဒုက္ကဋဿာ”တိ.