8.29 သံဃေဘိန္နေစီဝရုပ္ပါဒကထာ
Review
376.
1730
ဣဓ ပန, ဘိက္ခဝေ, ဝဿံဝုဋ္ဌာနံ ဘိက္ခူနံ အနုပ္ပန္နေ စီဝရေ သံဃော ဘိဇ္ဇတိ. တတ္ထ မနုဿာ ဧကသ္မိံ ပက္ခေ ဥဒကံ ဒေန္တိ, ဧကသ္မိံ ပက္ခေ စီဝရံ ဒေန္တိ— သံဃဿ ဒေမာတိ. သံဃဿေဝေတံ.
1731
ဣဓ ပန, ဘိက္ခဝေ, ဝဿံဝုဋ္ဌာနံ ဘိက္ခူနံ အနုပ္ပန္နေ စီဝရေ သံဃော ဘိဇ္ဇတိ. တတ္ထ မနုဿာ ဧကသ္မိံ ပက္ခေ ဥဒကံ ဒေန္တိ, တသ္မိံယေဝ ပက္ခေ စီဝရံ ဒေန္တိ— သံဃဿ ဒေမာတိ. သံဃဿေဝေတံ.
1732
ဣဓ ပန, ဘိက္ခဝေ, ဝဿံဝုဋ္ဌာနံ ဘိက္ခူနံ အနုပ္ပန္နေ စီဝရေ သံဃော ဘိဇ္ဇတိ. တတ္ထ မနုဿာ ဧကသ္မိံ ပက္ခေ ဥဒကံ ဒေန္တိ, ဧကသ္မိံ ပက္ခေ စီဝရံ ဒေန္တိ— ပက္ခဿ ဒေမာတိ. ပက္ခဿေဝေတံ.
1733
ဣဓ ပန, ဘိက္ခဝေ, ဝဿံဝုဋ္ဌာနံ ဘိက္ခူနံ အနုပ္ပန္နေ စီဝရေ သံဃော ဘိဇ္ဇတိ. တတ္ထ မနုဿာ ဧကသ္မိံ ပက္ခေ ဥဒကံ ဒေန္တိ, တသ္မိံယေဝ ပက္ခေ စီဝရံ ဒေန္တိ— ပက္ခဿ ဒေမာတိ. ပက္ခဿေဝေတံ.
1734
ဣဓ ပန, ဘိက္ခဝေ, ဝဿံဝုဋ္ဌာနံ ဘိက္ခူနံ ဥပ္ပန္နေ စီဝရေ အဘာဇိတေ သံဃော ဘိဇ္ဇတိ. သဗ္ဗေသံ သမကံ ဘာဇေတဗ္ဗန်”တိ.