9.15 အပ္ပဋိနိဿဂ္ဂေဥက္ခေပနီယကမ္မကထာ
Review
417.
1856
ဣဓ ပန, ဘိက္ခဝေ, ဘိက္ခု န ဣစ္ဆတိ ပါပိကံ ဒိဋ္ဌိံ ပဋိနိဿဇ္ဇိတုံ. တတြ စေ ဘိက္ခူနံ ဧဝံ ဟောတိ— ‘အယံ ခေါ, အာဝုသော, ဘိက္ခု န ဣစ္ဆတိ ပါပိကံ ဒိဋ္ဌိံ ပဋိနိဿဇ္ဇိတုံ. ဟန္ဒဿ မယံ ပါပိကာယ ဒိဋ္ဌိယာ အပ္ပဋိနိဿဂ္ဂေ ဥက္ခေပနီယကမ္မံ ကရောမာ’တိ. တေ တဿ ပါပိကာယ ဒိဋ္ဌိယာ အပ္ပဋိနိဿဂ္ဂေ ဥက္ခေပနီယကမ္မံ ကရောန္တိ— အဓမ္မေန ဝဂ္ဂါ. သော တမှာ အာဝါသာ အညံ အာဝါသံ ဂစ္ဆတိ. တတ္ထပိ ဘိက္ခူနံ ဧဝံ ဟောတိ— ‘အယံ ခေါ, အာဝုသော, ဘိက္ခု သံဃေန ပါပိကာယ ဒိဋ္ဌိယာ အပ္ပဋိနိဿဂ္ဂေ ဥက္ခေပနီယကမ္မကတော အဓမ္မေန ဝဂ္ဂေဟိ. ဟန္ဒဿ မယံ ပါပိကာယ ဒိဋ္ဌိယာ အပ္ပဋိနိဿဂ္ဂေ ဥက္ခေပနီယကမ္မံ ကရောမာ’တိ. တေ တဿ ပါပိကာယ ဒိဋ္ဌိယာ အပ္ပဋိနိဿဂ္ဂေ ဥက္ခေပနီယကမ္မံ ကရောန္တိ— အဓမ္မေန သမဂ္ဂါ …ပေ… ဓမ္မေန ဝဂ္ဂါ… ဓမ္မပတိရူပကေန ဝဂ္ဂါ… ဓမ္မပတိရူပကေန သမဂ္ဂါ …ပေ… .
1857
စက္ကံ ကာတဗ္ဗံ.