2.8 อฏฺฐมนย วิปฺปยุตฺเตนสมฺปยุตฺตปทนิทฺเทส
317.
400
รูปกฺขนฺเธน เย ธมฺมา วิปฺปยุตฺตา, เต ธมฺมา กติหิ ขนฺเธหิ กติหายตเนหิ กติหิ ธาตูหิ สมฺปยุตฺตาติ? นตฺถิ.
318.
401
เวทนากฺขนฺเธน เย ธมฺมา… สญฺญากฺขนฺเธน เย ธมฺมา… สงฺขารกฺขนฺเธน เย ธมฺมา… วิญฺญาณกฺขนฺเธน เย ธมฺมา …เป… สรเณหิ ธมฺเมหิ เย ธมฺมา… อรเณหิ ธมฺเมหิ เย ธมฺมา วิปฺปยุตฺตา, เต ธมฺมา กติหิ ขนฺเธหิ กติหายตเนหิ กติหิ ธาตูหิ สมฺปยุตฺตาติ? นตฺถิ.
402
ธมฺมายตนํ ธมฺมธาตุ,
อถ ชีวิตํ นามรูปํ;
สฬายตนํ ชาติชรามตํ,
ทฺเว จ ติเก น ลพฺภเร.
403
ปฐมนฺตเร สตฺต จ,
โคจฺฉเก ทส อปรนฺเต;
จุทฺทส ฉ จ มตฺถเก,
อิจฺเจเต สตฺตจตฺตาลีส ธมฺมา;_
สมุจฺเฉเท น ลพฺภนฺติ,
โมฆปุจฺฉเกน จาติ. [47]
404
วิปฺปยุตฺเตน สมฺปยุตฺตปทนิทฺเทโส อฏฺฐโม.