อุปนิสฺสย
39.
624
สนิทสฺสโน ธมฺโม อนิทสฺสนสฺส ธมฺมสฺส อุปนิสฺสยปจฺจเยน ปจฺจโย— อารมฺมณูปนิสฺสโย, ปกตูปนิสฺสโย …เป… . ปกตูปนิสฺสโย — วณฺณสมฺปทํ ปตฺถยมาโน ทานํ …เป… สีลํ …เป… อุโปสถกมฺมํ กโรติ, วณฺณสมฺปทา สทฺธาย …เป… ปตฺถนาย… กายิกสฺส สุขสฺส, กายิกสฺส ทุกฺขสฺส, มคฺคสฺส, ผลสมาปตฺติยา อุปนิสฺสยปจฺจเยน ปจฺจโย. (1)
625
อนิทสฺสโน ธมฺโม อนิทสฺสนสฺส ธมฺมสฺส อุปนิสฺสยปจฺจเยน ปจฺจโย— อารมฺมณูปนิสฺสโย, อนนฺตรูปนิสฺสโย, ปกตูปนิสฺสโย …เป… . ปกตูปนิสฺสโย — สทฺธํ อุปนิสฺสาย ทานํ เทติ …เป… สมาปตฺติํ อุปฺปาเทติ, มานํ ชปฺเปติ, ทิฏฺฐิํ คณฺหาติ; สีลํ …เป… เสนาสนํ อุปนิสฺสาย ทานํ เทติ …เป… สํฆํ ภินฺทติ; สทฺธา …เป… เสนาสนํ สทฺธาย …เป… ผลสมาปตฺติยา อุปนิสฺสยปจฺจเยน ปจฺจโย. (1)