61 สุขสหคตทุก, กุสลตฺติก
70.
193
สุขสหคตํ กุสลํ ธมฺมํ ปฏิจฺจ นสุขสหคโต นกุสโล ธมฺโม อุปฺปชฺชติ เหตุปจฺจยา. นสุขสหคตํ กุสลํ ธมฺมํ ปฏิจฺจ นสุขสหคโต นกุสโล ธมฺโม อุปฺปชฺชติ เหตุปจฺจยา. สุขสหคตํ กุสลญฺจ นสุขสหคตํ กุสลญฺจ ธมฺมํ ปฏิจฺจ นสุขสหคโต นกุสโล ธมฺโม อุปฺปชฺชติ เหตุปจฺจยา. เหตุยา ตีณิ …เป… อวิคเต ตีณิ.
194
สุขสหคตํ อกุสลํ ธมฺมํ ปฏิจฺจ นสุขสหคโต นอกุสโล ธมฺโม อุปฺปชฺชติ เหตุปจฺจยา. นสุขสหคตํ อกุสลํ ธมฺมํ ปฏิจฺจ นสุขสหคโต นอกุสโล ธมฺโม อุปฺปชฺชติ เหตุปจฺจยา. สุขสหคตํ อกุสลญฺจ นสุขสหคตํ อกุสลญฺจ ธมฺมํ ปฏิจฺจ นสุขสหคโต นอกุสโล ธมฺโม อุปฺปชฺชติ เหตุปจฺจยา. เหตุยา ตีณิ …เป… อวิคเต ตีณิ. (อพฺยากตมูลํ ตีณิเยว ปจฺจยวเสน.)