11 กุสลตฺติก, โลกิยทุก
อพฺยากตํ โลกิยํ ธมฺมํ ปจฺจยา นอพฺยากโต นโลกิโย ธมฺโม อุปฺปชฺชติ เหตุปจฺจยา. อพฺยากตํ โลกิยํ ธมฺมํ ปจฺจยา นกุสโล นโลกิโย ธมฺโม อุปฺปชฺชติ เหตุปจฺจยา. อพฺยากตํ โลกิยํ ธมฺมํ ปจฺจยา นอกุสโล นโลกิโย ธมฺโม อุปฺปชฺชติ เหตุปจฺจยา. อพฺยากตํ โลกิยํ ธมฺมํ ปจฺจยา นอกุสโล นโลกิโย จ นอพฺยากโต นโลกิโย จ ธมฺมา อุปฺปชฺชนฺติ เหตุปจฺจยา. อพฺยากตํ โลกิยํ ธมฺมํ ปจฺจยา นกุสโล นโลกิโย จ นอกุสโล นโลกิโย จ ธมฺมา อุปฺปชฺชนฺติ เหตุปจฺจยา. เหตุยา ปญฺจ …เป… วิปาเก ตีณิ …เป… อวิคเต ปญฺจ.
กุสลํ โลกุตฺตรํ ธมฺมํ ปฏิจฺจ นกุสโล นโลกุตฺตโร ธมฺโม อุปฺปชฺชติ เหตุปจฺจยา. กุสลํ โลกุตฺตรํ ธมฺมํ ปฏิจฺจ นอกุสโล นโลกุตฺตโร ธมฺโม อุปฺปชฺชติ เหตุปจฺจยา. กุสลํ โลกุตฺตรํ ธมฺมํ ปฏิจฺจ นกุสโล นโลกุตฺตโร จ นอกุสโล นโลกุตฺตโร จ ธมฺมา อุปฺปชฺชนฺติ เหตุปจฺจยา… ตีณิ.
อพฺยากตํ โลกุตฺตรํ ธมฺมํ ปฏิจฺจ นกุสโล นโลกุตฺตโร ธมฺโม อุปฺปชฺชติ เหตุปจฺจยา. อพฺยากตํ โลกุตฺตรํ ธมฺมํ ปฏิจฺจ นอกุสโล นโลกุตฺตโร ธมฺโม อุปฺปชฺชติ เหตุปจฺจยา. อพฺยากตํ โลกุตฺตรํ ธมฺมํ ปฏิจฺจ นกุสโล นโลกุตฺตโร จ นอกุสโล นโลกุตฺตโร จ ธมฺมา อุปฺปชฺชนฺติ เหตุปจฺจยา… ตีณิ. (สํขิตฺตํ.)
เหตุยา ฉ …เป… วิปาเก ตีณิ …เป… อวิคเต ฉ.