15 กุสลตฺติก, สารมฺมณทุก
กุสลํ สารมฺมณํ ธมฺมํ ปฏิจฺจ นกุสโล นสารมฺมโณ ธมฺโม อุปฺปชฺชติ เหตุปจฺจยา. กุสลํ สารมฺมณํ ธมฺมํ ปฏิจฺจ นอกุสโล นสารมฺมโณ ธมฺโม อุปฺปชฺชติ เหตุปจฺจยา. กุสลํ สารมฺมณํ ธมฺมํ ปฏิจฺจ นกุสโล นสารมฺมโณ จ นอกุสโล นสารมฺมโณ จ ธมฺมา อุปฺปชฺชนฺติ เหตุปจฺจยา… ตีณิ.
อกุสลํ สารมฺมณํ ธมฺมํ ปฏิจฺจ นอกุสโล นสารมฺมโณ ธมฺโม อุปฺปชฺชติ เหตุปจฺจยา. อกุสลํ สารมฺมณํ ธมฺมํ ปฏิจฺจ นกุสโล นสารมฺมโณ ธมฺโม อุปฺปชฺชติ เหตุปจฺจยา. อกุสลํ สารมฺมณํ ธมฺมํ ปฏิจฺจ นกุสโล นสารมฺมโณ จ นอกุสโล นสารมฺมโณ จ ธมฺมา อุปฺปชฺชนฺติ เหตุปจฺจยา… ตีณิ.
อพฺยากตํ สารมฺมณํ ธมฺมํ ปฏิจฺจ นกุสโล นสารมฺมโณ ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)
เหตุยา นว, อธิปติยา นว …เป… อญฺญมญฺเญ ตีณิ …เป… วิปาเก ตีณิ …เป… อวิคเต นว.
อพฺยากตํ อนารมฺมณํ ธมฺมํ ปฏิจฺจ นกุสโล นอนารมฺมโณ ธมฺโม อุปฺปชฺชติ เหตุปจฺจยา. อพฺยากตํ อนารมฺมณํ ธมฺมํ ปฏิจฺจ นอกุสโล นอนารมฺมโณ ธมฺโม อุปฺปชฺชติ เหตุปจฺจยา. อพฺยากตํ อนารมฺมณํ ธมฺมํ ปฏิจฺจ นกุสโล นอนารมฺมโณ จ นอกุสโล นอนารมฺมโณ จ ธมฺมา อุปฺปชฺชนฺติ เหตุปจฺจยา. (สํขิตฺตํ.)
เหตุยา ตีณิ …เป… อวิคเต ตีณิ.