26 เวทนาตฺติก, เหตุทุก
สุขาย เวทนาย สมฺปยุตฺตํ เหตุํ ธมฺมํ ปฏิจฺจ นสุขาย เวทนาย สมฺปยุตฺโต นเหตุ ธมฺโม อุปฺปชฺชติ เหตุปจฺจยา. สุขาย เวทนาย สมฺปยุตฺตํ เหตุํ ธมฺมํ ปฏิจฺจ นทุกฺขาย เวทนาย สมฺปยุตฺโต นเหตุ ธมฺโม อุปฺปชฺชติ เหตุปจฺจยา. สุขาย เวทนาย สมฺปยุตฺตํ เหตุํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต นเหตุ ธมฺโม อุปฺปชฺชติ เหตุปจฺจยา …เป… สตฺต ปญฺหา.
ทุกฺขาย เวทนาย สมฺปยุตฺตํ เหตุํ ธมฺมํ ปฏิจฺจ นทุกฺขาย เวทนาย สมฺปยุตฺโต นเหตุ ธมฺโม อุปฺปชฺชติ เหตุปจฺจยา… สตฺต ปญฺหา.
อทุกฺขมสุขาย เวทนาย สมฺปยุตฺตํ เหตุํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต นเหตุ ธมฺโม อุปฺปชฺชติ เหตุปจฺจยา… สตฺต ปญฺหา. (สํขิตฺตํ.)
เหตุยา เอกวีส …เป… วิปาเก จุทฺทส …เป… อวิคเต เอกวีส. (สพฺพตฺถ เอกวีส.)
สุขาย เวทนาย สมฺปยุตฺตํ นเหตุํ ธมฺมํ ปฏิจฺจ นทุกฺขาย เวทนาย สมฺปยุตฺโต นนเหตุ ธมฺโม อุปฺปชฺชติ เหตุปจฺจยา. สุขาย เวทนาย สมฺปยุตฺตํ นเหตุํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต นนเหตุ ธมฺโม อุปฺปชฺชติ เหตุปจฺจยา. สุขาย เวทนาย สมฺปยุตฺตํ นเหตุํ ธมฺมํ ปฏิจฺจ นทุกฺขาย เวทนาย สมฺปยุตฺโต นนเหตุ จ นอทุกฺขมสุขาย เวทนาย สมฺปยุตฺโต นนเหตุ จ ธมฺมา อุปฺปชฺชนฺติ เหตุปจฺจยา. (3)
ทุกฺขาย เวทนาย สมฺปยุตฺตํ นเหตุํ ธมฺมํ ปฏิจฺจ นสุขาย เวทนาย สมฺปยุตฺโต นนเหตุ ธมฺโม อุปฺปชฺชติ เหตุปจฺจยา… ตีณิ.
อทุกฺขมสุขาย เวทนาย สมฺปยุตฺตํ นเหตุํ ธมฺมํ ปฏิจฺจ นสุขาย เวทนาย สมฺปยุตฺโต นนเหตุ ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)
เหตุยา นว …เป… วิปาเก ฉ …เป… อวิคเต นว.