ปจฺจนีย
อพฺยากตํ ทุกฺขาย เวทนาย สมฺปยุตฺตํ ธมฺมํ ปฏิจฺจ นกุสโล นทุกฺขาย เวทนาย สมฺปยุตฺโต ธมฺโม อุปฺปชฺชติ นเหตุปจฺจยา. อพฺยากตํ ทุกฺขาย เวทนาย สมฺปยุตฺตํ ธมฺมํ ปฏิจฺจ นอกุสโล นทุกฺขาย เวทนาย สมฺปยุตฺโต ธมฺโม อุปฺปชฺชติ นเหตุปจฺจยา. อพฺยากตํ ทุกฺขาย เวทนาย สมฺปยุตฺตํ ธมฺมํ ปฏิจฺจ นกุสโล นทุกฺขาย เวทนาย สมฺปยุตฺโต จ นอกุสโล นทุกฺขาย เวทนาย สมฺปยุตฺโต จ ธมฺมา อุปฺปชฺชนฺติ นเหตุปจฺจยา. (สํขิตฺตํ.)
นเหตุยา ตีณิ, นอารมฺมเณ ตีณิ, นอธิปติยา อฏฺฐ …เป… นปุเรชาเต ปญฺจ …เป… นวิปาเก ปญฺจ, นฌาเน นมคฺเค นสมฺปยุตฺเต ตีณิ, โนนตฺถิยา โนวิคเต ตีณิ. (สหชาตวารมฺปิ …เป… ปญฺหาวารมฺปิ วิตฺถาเรตพฺพํ.)
กุสลํ อทุกฺขมสุขาย เวทนาย สมฺปยุตฺตํ ธมฺมํ ปฏิจฺจ นกุสโล นอทุกฺขมสุขาย เวทนาย สมฺปยุตฺโต ธมฺโม อุปฺปชฺชติ เหตุปจฺจยา. (สํขิตฺตํ.)
เหตุยา เตรส, อารมฺมเณ นว …เป… วิปาเก ตีณิ …เป… อวิคเต เตรส. (สพฺพตฺถ วิตฺถาโร.)