21 เวทนาตฺติก, กุสลตฺติก
สุขาย เวทนาย สมฺปยุตฺตํ กุสลํ ธมฺมํ ปฏิจฺจ นสุขาย เวทนาย สมฺปยุตฺโต นกุสโล ธมฺโม อุปฺปชฺชติ เหตุปจฺจยา. สุขาย เวทนาย สมฺปยุตฺตํ กุสลํ ธมฺมํ ปฏิจฺจ นทุกฺขาย เวทนาย สมฺปยุตฺโต นกุสโล ธมฺโม อุปฺปชฺชติ เหตุปจฺจยา. สุขาย เวทนาย สมฺปยุตฺตํ กุสลํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต นกุสโล ธมฺโม อุปฺปชฺชติ เหตุปจฺจยา. สุขาย เวทนาย สมฺปยุตฺตํ กุสลํ ธมฺมํ ปฏิจฺจ นสุขาย เวทนาย สมฺปยุตฺโต นกุสโล จ นอทุกฺขมสุขาย เวทนาย สมฺปยุตฺโต นกุสโล จ ธมฺมา อุปฺปชฺชนฺติ เหตุปจฺจยา. สุขาย เวทนาย สมฺปยุตฺตํ กุสลํ ธมฺมํ ปฏิจฺจ นทุกฺขาย เวทนาย สมฺปยุตฺโต นกุสโล จ นอทุกฺขมสุขาย เวทนาย สมฺปยุตฺโต นกุสโล จ ธมฺมา อุปฺปชฺชนฺติ เหตุปจฺจยา. สุขาย เวทนาย สมฺปยุตฺตํ กุสลํ ธมฺมํ ปฏิจฺจ นสุขาย เวทนาย สมฺปยุตฺโต นกุสโล จ นทุกฺขาย เวทนาย สมฺปยุตฺโต นกุสโล จ ธมฺมา อุปฺปชฺชนฺติ เหตุปจฺจยา. สุขาย เวทนาย สมฺปยุตฺตํ กุสลํ ธมฺมํ ปฏิจฺจ นสุขาย เวทนาย สมฺปยุตฺโต นกุสโล จ นทุกฺขาย เวทนาย สมฺปยุตฺโต นกุสโล จ นอทุกฺขมสุขาย เวทนาย สมฺปยุตฺโต นกุสโล จ ธมฺมา อุปฺปชฺชนฺติ เหตุปจฺจยา… สตฺต.
อทุกฺขมสุขาย เวทนาย สมฺปยุตฺตํ กุสลํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต นกุสโล ธมฺโม อุปฺปชฺชติ เหตุปจฺจยา… สตฺต. (สํขิตฺตํ.)
เหตุยา จุทฺทส, อธิปติยา จุทฺทส …เป… อวิคเต จุทฺทส.
สุขาย เวทนาย สมฺปยุตฺตํ อกุสลํ ธมฺมํ ปฏิจฺจ นสุขาย เวทนาย สมฺปยุตฺโต นอกุสโล ธมฺโม อุปฺปชฺชติ เหตุปจฺจยา… สตฺต.
ทุกฺขาย เวทนาย สมฺปยุตฺตํ อกุสลํ ธมฺมํ ปฏิจฺจ นทุกฺขาย เวทนาย สมฺปยุตฺโต นอกุสโล ธมฺโม อุปฺปชฺชติ เหตุปจฺจยา… สตฺต.
อทุกฺขมสุขาย เวทนาย สมฺปยุตฺตํ อกุสลํ ธมฺมํ ปฏิจฺจ นอทุกฺขมสุขาย เวทนาย สมฺปยุตฺโต นอกุสโล ธมฺโม อุปฺปชฺชติ เหตุปจฺจยา… สตฺต. (เอกวีสติ ปญฺหา.)
เหตุยา อธิปติยา เอกวีสติ …เป… อวิคเต เอกวีสติ.
สุขาย เวทนาย สมฺปยุตฺโต อพฺยากโต ธมฺโม นสุขาย เวทนาย สมฺปยุตฺตสฺส นอพฺยากตสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.)
อารมฺมเณ เอกวีสติ, อธิปติยา ทส, อนนฺตเร ฉ …เป… อุปนิสฺสเย เอกวีสติ, นตฺถิยา วิคเต ฉ. (ทุกฺขาย เวทนาย สมฺปยุตฺตอพฺยากตมูลํ อทุกฺขมสุขาย เวทนาย สมฺปยุตฺตอพฺยากตมูลมฺปิ กาตพฺพํ.)