4 กุสลตฺติก, สํกิลิฏฺฐตฺติก
อกุสลํ สํกิลิฏฺฐสํกิเลสิกํ ธมฺมํ ปฏิจฺจ นอกุสโล นสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ, อธิปติยา ตีณิ …เป… อวิคเต ตีณิ.
อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นอพฺยากโต นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นกุสโล นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นอกุสโล นอสํกิลิฏฺฐสํกิเลสิโก ธมฺโม อุปฺปชฺชติ เหตุปจฺจยา. อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นกุสโล นอสํกิลิฏฺฐสํกิเลสิโก จ นอพฺยากโต นอสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยา. อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นอกุสโล นอสํกิลิฏฺฐสํกิเลสิโก จ นอพฺยากโต นอสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยา. อพฺยากตํ อสํกิลิฏฺฐสํกิเลสิกํ ธมฺมํ ปจฺจยา นกุสโล นอสํกิลิฏฺฐสํกิเลสิโก จ นอกุสโล นอสํกิลิฏฺฐสํกิเลสิโก จ ธมฺมา อุปฺปชฺชนฺติ เหตุปจฺจยา. (สํขิตฺตํ.) เหตุยา ฉ, อารมฺมเณ ฉ …เป… อาเสวเน ปญฺจ …เป… วิปาเก ตีณิ, อวิคเต ฉ.
กุสลํ อสํกิลิฏฺฐอสํกิเลสิกํ ธมฺมํ ปฏิจฺจ นกุสโล นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา… ตีณิ.
อพฺยากตํ อสํกิลิฏฺฐอสํกิเลสิกํ ธมฺมํ ปฏิจฺจ นกุสโล นอสํกิลิฏฺฐอสํกิเลสิโก ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.)
เหตุยา ฉ, อธิปติยา ฉ …เป… วิปาเก ตีณิ …เป… อวิคเต ฉ.