19 อาสวอาสวสมฺปยุตฺตทุก, เหตุทุก
57.
139
อาสวญฺเจว อาสวสมฺปยุตฺตญฺจ เหตุํ ธมฺมํ ปฏิจฺจ นอาสโว เจว นอาสววิปฺปยุตฺโต จ นเหตุ ธมฺโม อุปฺปชฺชติ เหตุปจฺจยา… ตีณิ.
140
อาสวสมฺปยุตฺตญฺเจว โน จ อาสวํ เหตุํ ธมฺมํ ปฏิจฺจ นอาสโว เจว นอาสววิปฺปยุตฺโต จ นเหตุ ธมฺโม อุปฺปชฺชติ เหตุปจฺจยา… เอกํ. (สํขิตฺตํ.) เหตุยา จตฺตาริ …เป… อวิคเต จตฺตาริ.
141
อาสวญฺเจว อาสวสมฺปยุตฺตญฺจ นเหตุํ ธมฺมํ ปฏิจฺจ นอาสววิปฺปยุตฺโต เจว นโน จ อาสโว นนเหตุ ธมฺโม อุปฺปชฺชติ เหตุปจฺจยา… เอกํ.
142
อาสวสมฺปยุตฺตญฺเจว โน จ อาสวํ นเหตุํ ธมฺมํ ปฏิจฺจ นอาสววิปฺปยุตฺโต เจว นโน จ อาสโว นนเหตุ ธมฺโม อุปฺปชฺชติ เหตุปจฺจยา… ตีณิ. (สํขิตฺตํ.) เหตุยา จตฺตาริ …เป… อวิคเต จตฺตาริ.