33 ปรามาสทุกาทิ
โนปรามาสํ ธมฺมํ ปฏิจฺจ โนปรามาโส ธมฺโม อุปฺปชฺชติ เหตุปจฺจยา. (สํขิตฺตํ.)
เหตุยา ปญฺจ …เป… วิปาเก เอกํ …เป… อวิคเต ปญฺจ.
นปรามฏฺฐํ ธมฺมํ ปฏิจฺจ นปรามฏฺโฐ ธมฺโม อุปฺปชฺชติ เหตุปจฺจยา. (สํขิตฺตํ. สพฺพตฺถ ปญฺจ.)
นปรามาสสมฺปยุตฺตํ ธมฺมํ ปฏิจฺจ นปรามาสสมฺปยุตฺโต ธมฺโม อุปฺปชฺชติ เหตุปจฺจยา. (สํขิตฺตํ.)
เหตุยา ปญฺจ, อารมฺมเณ ทฺเว …เป… วิปาเก เอกํ …เป… อวิคเต ปญฺจ.
นปรามาสญฺเจว นอปรามฏฺฐญฺจ ธมฺมํ ปฏิจฺจ นปรามาโส เจว นอปรามฏฺโฐ จ ธมฺโม อุปฺปชฺชติ เหตุปจฺจยา. นปรามาสญฺเจว นอปรามฏฺฐญฺจ ธมฺมํ ปฏิจฺจ นอปรามฏฺโฐ เจว นโน จ ปรามาโส ธมฺโม อุปฺปชฺชติ เหตุปจฺจยา. นปรามาสญฺเจว นอปรามฏฺฐญฺจ ธมฺมํ ปฏิจฺจ นปรามาโส เจว นอปรามฏฺโฐ จ นอปรามฏฺโฐ เจว นโนปรามาโส จ ธมฺมา อุปฺปชฺชนฺติ เหตุปจฺจยา. (3)
นอปรามฏฺฐญฺเจว นโน จ ปรามาสํ ธมฺมํ ปฏิจฺจ นปรามาโส เจว นอปรามฏฺโฐ จ ธมฺโม อุปฺปชฺชติ เหตุปจฺจยา. (1)
นปรามาสญฺเจว นอปรามฏฺฐญฺจ นอปรามฏฺฐญฺเจว นโน จ ปรามาสญฺจ ธมฺมํ ปฏิจฺจ นปรามาโส เจว นอปรามฏฺโฐ จ ธมฺโม อุปฺปชฺชติ เหตุปจฺจยา. (1) (สํขิตฺตํ.)
เหตุยา ปญฺจ …เป… วิปาเก เอกํ …เป… อวิคเต ปญฺจ.
ปรามาสวิปฺปยุตฺตํ นปรามฏฺฐํ ธมฺมํ ปฏิจฺจ ปรามาสวิปฺปยุตฺโต นปรามฏฺโฐ ธมฺโม อุปฺปชฺชติ เหตุปจฺจยา. ปรามาสวิปฺปยุตฺตํ นปรามฏฺฐํ ธมฺมํ ปฏิจฺจ ปรามาสวิปฺปยุตฺโต นอปรามฏฺโฐ ธมฺโม อุปฺปชฺชติ เหตุปจฺจยา. ปรามาสวิปฺปยุตฺตํ นปรามฏฺฐํ ธมฺมํ ปฏิจฺจ ปรามาสวิปฺปยุตฺโต นปรามฏฺโฐ จ ปรามาสวิปฺปยุตฺโต นอปรามฏฺโฐ จ ธมฺมา อุปฺปชฺชนฺติ เหตุปจฺจยา. (3)
ปรามาสวิปฺปยุตฺตํ นอปรามฏฺฐํ ธมฺมํ ปฏิจฺจ ปรามาสวิปฺปยุตฺโต นอปรามฏฺโฐ ธมฺโม อุปฺปชฺชติ เหตุปจฺจยา. (1)
ปรามาสวิปฺปยุตฺตํ นปรามฏฺฐญฺจ ปรามาสวิปฺปยุตฺตํ นอปรามฏฺฐญฺจ ธมฺมํ ปฏิจฺจ ปรามาสวิปฺปยุตฺโต นอปรามฏฺโฐ ธมฺโม อุปฺปชฺชติ เหตุปจฺจยา. (1)
เหตุยา ปญฺจ, อารมฺมเณ ทฺเว …เป… . อวิคเต ปญฺจ.
ปรามาสโคจฺฉกํ นิฏฺฐิตํ.