19 เหตุทุก, อุปาทินฺนตฺติก
นเหตุ เนาปาทินฺนุปาทานิโย ธมฺโม เหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. นเหตุ เนาปาทินฺนุปาทานิโย ธมฺโม นเหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย. นเหตุ เนาปาทินฺนุปาทานิโย ธมฺโม เหตุสฺส อุปาทินฺนุปาทานิยสฺส จ นเหตุสฺส อุปาทินฺนุปาทานิยสฺส จ ธมฺมสฺส อารมฺมณปจฺจเยน ปจฺจโย. (3)
นนเหตุ เนาปาทินฺนุปาทานิโย ธมฺโม นเหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิ.
นเหตุ เนาปาทินฺนุปาทานิโย จ นนเหตุ เนาปาทินฺนุปาทานิโย จ ธมฺมา เหตุสฺส อุปาทินฺนุปาทานิยสฺส ธมฺมสฺส อารมฺมณปจฺจเยน ปจฺจโย… ตีณิ. (สํขิตฺตํ. นว ปญฺหา.) อารมฺมเณ อนนฺตเร สมนนฺตเร อุปฺปนิสฺสเย นว, ปุเรชาเต ตีณิ, กมฺเม ตีณิ, อาหาเร เอกํ, อตฺถิยา ตีณิ, นตฺถิยา วิคเต นว, อวิคเต ตีณิ.
นเหตุํ นอนุปาทินฺนุปาทานิยํ ธมฺมํ ปจฺจยา เหตุ อนุปาทินฺนุปาทานิโย ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ, อธิปติยา ตีณิ …เป… อวิคเต ตีณิ.
นเหตุํ นอนุปาทินฺนอนุปาทานิยํ ธมฺมํ ปจฺจยา เหตุ อนุปาทินฺนอนุปาทานิโย ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ …เป… อวิคเต ตีณิ.