27 สนิทสฺสนตฺติก, สเหตุกทุก
58.
137
นสนิทสฺสนสปฺปฏิฆํ นสเหตุกํ ธมฺมํ ปฏิจฺจ อนิทสฺสนอปฺปฏิโฆ สเหตุโก ธมฺโม อุปฺปชฺชติ เหตุปจฺจยา. นอนิทสฺสนสปฺปฏิฆํ นสเหตุกํ ธมฺมํ ปฏิจฺจ อนิทสฺสนอปฺปฏิโฆ สเหตุโก ธมฺโม อุปฺปชฺชติ เหตุปจฺจยา. นสนิทสฺสนสปฺปฏิฆํ นสเหตุกญฺจ นอนิทสฺสนสปฺปฏิฆํ นสเหตุกญฺจ ธมฺมํ ปฏิจฺจ อนิทสฺสนอปฺปฏิโฆ สเหตุโก ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ …เป… อวิคเต ตีณิ.
138
นสนิทสฺสนสปฺปฏิฆํ นอเหตุกํ ธมฺมํ ปฏิจฺจ สนิทสฺสนสปฺปฏิโฆ อเหตุโก ธมฺโม อุปฺปชฺชติ เหตุปจฺจยา… สตฺต.
139
นอนิทสฺสนสปฺปฏิฆํ นอเหตุกํ ธมฺมํ ปฏิจฺจ อนิทสฺสนสปฺปฏิโฆ อเหตุโก ธมฺโม อุปฺปชฺชติ เหตุปจฺจยา… สตฺต.
140
นสนิทสฺสนสปฺปฏิฆํ นอเหตุกญฺจ นอนิทสฺสนสปฺปฏิฆํ นอเหตุกญฺจ ธมฺมํ ปฏิจฺจ อนิทสฺสนสปฺปฏิโฆ อเหตุโก ธมฺโม อุปฺปชฺชติ เหตุปจฺจยา… สตฺต. (สํขิตฺตํ.) เหตุยา เอกวีส, อารมฺมเณ ตีณิ …เป… อวิคเต เอกวีส.