20 เวทนาตฺติก, กุสลตฺติก
นสุขาย เวทนาย สมฺปยุตฺตํ นกุสลํ ธมฺมํ ปจฺจยา สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยา. นสุขาย เวทนาย สมฺปยุตฺตํ นกุสลํ ธมฺมํ ปจฺจยา อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยา… ทฺเว.
นทุกฺขาย เวทนาย สมฺปยุตฺตํ นกุสลํ ธมฺมํ ปจฺจยา สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยา. นทุกฺขาย เวทนาย สมฺปยุตฺตํ นกุสลํ ธมฺมํ ปจฺจยา อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยา… ทฺเว.
นอทุกฺขมสุขาย เวทนาย สมฺปยุตฺตํ นกุสลํ ธมฺมํ ปจฺจยา อทุกฺขมสุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยา. นอทุกฺขมสุขาย เวทนาย สมฺปยุตฺตํ นกุสลํ ธมฺมํ ปจฺจยา สุขาย เวทนาย สมฺปยุตฺโต กุสโล ธมฺโม อุปฺปชฺชติ เหตุปจฺจยา… ทฺเว. (จตฺตาริ คณิตเกน ทฺเว ทฺเว ปญฺหา กาตพฺพา. สํขิตฺตํ.)
เหตุยา จุทฺทส …เป… อวิคเต จุทฺทส. (วิปากํ นตฺถิ.)
นสุขาย เวทนาย สมฺปยุตฺตํ นอกุสลํ ธมฺมํ ปจฺจยา สุขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยา. นสุขาย เวทนาย สมฺปยุตฺตํ นอกุสลํ ธมฺมํ ปจฺจยา ทุกฺขาย เวทนาย สมฺปยุตฺโต อกุสโล ธมฺโม อุปฺปชฺชติ เหตุปจฺจยา. (สํขิตฺตํ.)
เหตุยา เอกวีส …เป… อวิคเต เอกวีส. (วิปากํ นตฺถิ.)
นสุขาย เวทนาย สมฺปยุตฺโต นอพฺยากโต ธมฺโม สุขาย เวทนาย สมฺปยุตฺตสฺส อพฺยากตสฺส ธมฺมสฺส อารมฺมณปจฺจเยน ปจฺจโย.
อารมฺมเณ จุทฺทส, อธิปติยา ทฺวาทส, อนนฺตเร เตรส, อุปนิสฺสเย เอกวีส, กมฺเม สตฺตรส, นตฺถิยา วิคเต เตรส.