3 เหตุทุก, จูฬนฺตรทุก
นเหตุ นสปฺปจฺจโย ธมฺโม เหตุสฺส สปฺปจฺจยสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.)
อารมฺมเณ ตีณิ, อธิปติยา อุปนิสฺสเย ตีณิ. (สงฺขตํ สปฺปจฺจยสทิสํ.)
นเหตุํ นสนิทสฺสนํ ธมฺมํ ปฏิจฺจ นเหตุ สนิทสฺสโน ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ, อธิปติยา ตีณิ …เป… อวิคเต ตีณิ.
นเหตุ นอนิทสฺสโน ธมฺโม เหตุสฺส อนิทสฺสนสฺส ธมฺมสฺส อารมฺมณปจฺจเยน ปจฺจโย. (สํขิตฺตํ.) อารมฺมเณ ตีณิ, อธิปติยา อุปนิสฺสเย ปุเรชาเต อตฺถิยา อวิคเต ตีณิ.
นเหตุํ นสปฺปฏิฆํ ธมฺมํ ปฏิจฺจ นเหตุ สปฺปฏิโฆ ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ, อธิปติยา ตีณิ …เป… อญฺญมญฺเญ เอกํ …เป… อวิคเต ตีณิ.
นเหตุํ นอปฺปฏิฆํ ธมฺมํ ปฏิจฺจ นเหตุ อปฺปฏิโฆ ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา เอกํ, อธิปติยา เอกํ …เป… อวิคเต เอกํ.
นเหตุํ นรูปิํ ธมฺมํ ปฏิจฺจ เหตุ รูปี ธมฺโม อุปฺปชฺชติ เหตุปจฺจยา… . เหตุยา ตีณิ, อธิปติยา ตีณิ …เป… อวิคเต ตีณิ.
นเหตุํ นอรูปิํ ธมฺมํ ปฏิจฺจ เหตุ อรูปี ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ …เป… อวิคเต ตีณิ.
นเหตุํ นโลกิยํ ธมฺมํ ปฏิจฺจ นเหตุ โลกิโย ธมฺโม อุปฺปชฺชติ เหตุปจฺจยา. นนเหตุํ นโลกิยํ ธมฺมํ ปฏิจฺจ นเหตุ โลกิโย ธมฺโม อุปฺปชฺชติ เหตุปจฺจยา. (คณิตเกน ตีณิ. สํขิตฺตํ.) เหตุยา ตีณิ, อธิปติยา ตีณิ …เป… อวิคเต ตีณิ.
นเหตุํ นโลกุตฺตรํ ธมฺมํ ปจฺจยา เหตุ โลกุตฺตโร ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา ตีณิ …เป… อวิคเต ตีณิ.
นเหตุํ นเกนจิ วิญฺเญยฺยํ ธมฺมํ ปฏิจฺจ เหตุ เกนจิ วิญฺเญโยฺย ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา นว …เป… อวิคเต นว.
นเหตุํ นเกนจิ นวิญฺเญยฺยํ ธมฺมํ ปฏิจฺจ เหตุ เกนจิ นวิญฺเญโยฺย ธมฺโม อุปฺปชฺชติ เหตุปจฺจยา. (สํขิตฺตํ.) เหตุยา นว …เป… อวิคเต นว.