1.2 ทุเกาทฺเทส
โกธโน จ, อุปนาหี จ. (1)
มกฺขี จ, ปฬาสี จ. (2)
อิสฺสุกี จ, มจฺฉรี จ. (3)
สโฐ จ, มายาวี จ. (4)
อหิริโก จ, อโนตฺตปฺปี จ. (5)
ทุพฺพโจ จ, ปาปมิตฺโต จ. (6)
อินฺทฺริเยสุ อคุตฺตทฺวาโร จ, โภชเน อมตฺตญฺญู จ. (7)
มุฏฺฐสฺสติ จ, อสมฺปชาโน จ. (8)
สีลวิปนฺโน จ, ทิฏฺฐิวิปนฺโน จ. (9)
อชฺฌตฺตสํโยชโน จ, พหิทฺธาสํโยชโน จ. (10)
อกฺโกธโน จ, อนุปนาหี จ. (11)
อมกฺขี จ, อปฬาสี จ. (12)
อนิสฺสุกี จ, อมจฺฉรี จ. (13)
อสโฐ จ, อมายาวี จ. (14)
หิริมา จ, โอตฺตปฺปี จ. (15)
สุวโจ จ, กลฺยาณมิตฺโต จ. (16)
อินฺทฺริเยสุ คุตฺตทฺวาโร จ, โภชเน มตฺตญฺญู จ. (17)
อุปฏฺฐิตสฺสติ จ, สมฺปชาโน จ. (18)
สีลสมฺปนฺโน จ, ทิฏฺฐิสมฺปนฺโน จ. (19)
ทฺเว ปุคฺคลา ทุลฺลภา โลกสฺมิํ. (20)
ทฺเว ปุคฺคลา ทุตฺตปฺปยา. (21)
ทฺเว ปุคฺคลา สุตปฺปยา. (22)
ทฺวินฺนํ ปุคฺคลานํ อาสวา วฑฺฒนฺติ. (23)
ทฺวินฺนํ ปุคฺคลานํ อาสวา น วฑฺฒนฺติ. (24)
หีนาธิมุตฺโต จ, ปณีตาธิมุตฺโต จ. (25)
ติตฺโต จ, ตปฺเปตา จ. (26)
ทุกํ.