18.8 สารมฺมณานารมฺมณวาร
ปญฺจนฺนํ ขนฺธานํ กติ สารมฺมณา, กติ อนารมฺมณา …เป… สตฺตนฺนํ จิตฺตานํ กติ สารมฺมณา, กติ อนารมฺมณา?
รูปกฺขนฺโธ อนารมฺมโณ. จตฺตาโร ขนฺธา สารมฺมณา. (1)
ทสายตนา อนารมฺมณา. มนายตนํ สารมฺมณํ. ธมฺมายตนํ สิยา สารมฺมณํ, สิยา อนารมฺมณํ. (2)
ทส ธาตุโย อนารมฺมณา. สตฺต ธาตุโย สารมฺมณา. ธมฺมธาตุ สิยา สารมฺมณา, สิยา อนารมฺมณา. (3)
ทฺเว สจฺจา สารมฺมณา. นิโรธสจฺจํ อนารมฺมณํ. ทุกฺขสจฺจํ สิยา สารมฺมณํ, สิยา อนารมฺมณํ. (4)
สตฺตินฺทฺริยา อนารมฺมณา. จุทฺทสินฺทฺริยา สารมฺมณา. ชีวิตินฺทฺริยํ สิยา สารมฺมณํ, สิยา อนารมฺมณํ. นว เหตู สารมฺมณา. กพฬีกาโร อาหาโร อนารมฺมโณ. ตโย อาหารา สารมฺมณา. สตฺต ผสฺสา …เป… สตฺต เวทนา …เป… สตฺต สญฺญา …เป… สตฺต เจตนา …เป… สตฺต จิตฺตา สารมฺมณา. (5–12)
ปญฺจนฺนํ ขนฺธานํ กติ สารมฺมณารมฺมณา, กติ อนารมฺมณารมฺมณา …เป… สตฺตนฺนํ จิตฺตานํ กติ สารมฺมณารมฺมณา, กติ อนารมฺมณารมฺมณา?
รูปกฺขนฺโธ อนารมฺมโณ. จตฺตาโร ขนฺธา สิยา สารมฺมณารมฺมณา, สิยา อนารมฺมณารมฺมณา. (1)
ทสายตนา อนารมฺมณา. มนายตนํ สิยา สารมฺมณารมฺมณํ, สิยา อนารมฺมณารมฺมณํ. ธมฺมายตนํ สิยา สารมฺมณารมฺมณํ, สิยา อนารมฺมณารมฺมณํ, สิยา อนารมฺมณํ. (2)
ทส ธาตุโย อนารมฺมณา. ฉ ธาตุโย อนารมฺมณารมฺมณา. มโนวิญฺญาณธาตุ สิยา สารมฺมณารมฺมณา, สิยา อนารมฺมณารมฺมณา. ธมฺมธาตุ สิยา สารมฺมณารมฺมณา, สิยา อนารมฺมณารมฺมณา, สิยา อนารมฺมณา. (3)
นิโรธสจฺจํ อนารมฺมณํ. มคฺคสจฺจํ อนารมฺมณารมฺมณํ. สมุทยสจฺจํ สิยา สารมฺมณารมฺมณํ, สิยา อนารมฺมณารมฺมณํ. ทุกฺขสจฺจํ สิยา สารมฺมณารมฺมณํ, สิยา อนารมฺมณารมฺมณํ, สิยา อนารมฺมณํ. (4)
สตฺตินฺทฺริยา อนารมฺมณา. ปญฺจินฺทฺริยา อนารมฺมณารมฺมณา. นวินฺทฺริยา สิยา สารมฺมณารมฺมณา, สิยา อนารมฺมณารมฺมณา. ชีวิตินฺทฺริยํ สิยา สารมฺมณารมฺมณํ, สิยา อนารมฺมณารมฺมณํ, สิยา อนารมฺมณํ. (5)
นว เหตู สิยา สารมฺมณารมฺมณา, สิยา อนารมฺมณารมฺมณา. กพฬีกาโร อาหาโร อนารมฺมโณ. ตโย อาหารา สิยา สารมฺมณารมฺมณา, สิยา อนารมฺมณารมฺมณา. ฉ ผสฺสา อนารมฺมณารมฺมณา. มโนวิญฺญาณธาตุสมฺผโสฺส สิยา สารมฺมณารมฺมโณ สิยา อนารมฺมณารมฺมโณ. ฉ เวทนา …เป… ฉ สญฺญา …เป… ฉ เจตนา …เป… ฉ จิตฺตา อนารมฺมณารมฺมณา. มโนวิญฺญาณธาตุ สิยา สารมฺมณารมฺมณา, สิยา อนารมฺมณารมฺมณา. (6–12)