2.3.2.11 อุปาทานโคจฺฉก
เอกาทสายตนา โน อุปาทานา. ธมฺมายตนํ สิยา อุปาทานํ, สิยา โน อุปาทานํ. ทสายตนา อุปาทานิยา. ทฺวายตนา สิยา อุปาทานิยา, สิยา อนุปาทานิยา. ทสายตนา อุปาทานวิปฺปยุตฺตา. ทฺวายตนา สิยา อุปาทานสมฺปยุตฺตา, สิยา อุปาทานวิปฺปยุตฺตา. ทสายตนา น วตฺตพฺพา— “อุปาทานา เจว อุปาทานิยา จา”ติ, อุปาทานิยา เจว โน จ อุปาทานา. มนายตนํ น วตฺตพฺพํ— “อุปาทานญฺเจว อุปาทานิยญฺจา”ติ, สิยา อุปาทานิยญฺเจว โน จ อุปาทานํ, สิยา น วตฺตพฺพํ— “อุปาทานิยญฺเจว โน จ อุปาทานนฺ”ติ. ธมฺมายตนํ สิยา อุปาทานญฺเจว อุปาทานิยญฺจ, สิยา อุปาทานิยญฺเจว โน จ อุปาทานํ, สิยา น วตฺตพฺพํ— “อุปาทานญฺเจว อุปาทานิยญฺจา”ติปิ, “อุปาทานิยญฺเจว โน จ อุปาทานนฺ”ติปิ. ทสายตนา น วตฺตพฺพา— “อุปาทานา เจว อุปาทานสมฺปยุตฺตา จา”ติปิ, “อุปาทานสมฺปยุตฺตา เจว โน จ อุปาทานา”ติปิ. มนายตนํ น วตฺตพฺพํ— “อุปาทานิยญฺเจว อุปาทานสมฺปยุตฺตญฺจา”ติ, สิยา อุปาทานสมฺปยุตฺตญฺเจว โน จ อุปาทานํ, สิยา น วตฺตพฺพํ— “อุปาทานสมฺปยุตฺตญฺเจว โน จ อุปาทานนฺ”ติ. ธมฺมายตนํ สิยา อุปาทานญฺเจว อุปาทานสมฺปยุตฺตญฺจ, สิยา อุปาทานสมฺปยุตฺตญฺเจว โน จ อุปาทานํ, สิยา น วตฺตพฺพํ— “อุปาทานญฺเจว อุปาทานสมฺปยุตฺตญฺจา”ติปิ, “อุปาทานสมฺปยุตฺตญฺเจว โน จ อุปาทานนฺ”ติปิ. ทสายตนา อุปาทานวิปฺปยุตฺเตาปาทานิยา. ทฺวายตนา สิยา อุปาทานสมฺปยุตฺเตาปาทานิยา, สิยา อุปาทานวิปฺปยุตฺตอนุปาทานิยา, สิยา น วตฺตพฺพา— “อุปาทานวิปฺปยุตฺเตาปาทานิยา”ติปิ, “อุปาทานวิปฺปยุตฺตอนุปาทานิยา”ติปิ.