3.5.2 ปจฺจนีก
» โย จกฺขุนฺทฺริยํ น ปริชานาติ โส โทมนสฺสินฺทฺริยํ นปฺปชหิสฺสตีติ?
ปญฺจ ปุคฺคลา จกฺขุนฺทฺริยํ น ปริชานนฺติ, โน จ โทมนสฺสินฺทฺริยํ นปฺปชหิสฺสนฺติ. จตฺตาโร ปุคฺคลา จกฺขุนฺทฺริยญฺจ น ปริชานนฺติ โทมนสฺสินฺทฺริยญฺจ นปฺปชหิสฺสนฺติ.
« โย วา ปน โทมนสฺสินฺทฺริยํ นปฺปชหิสฺสติ โส จกฺขุนฺทฺริยํ น ปริชานาตีติ?
อคฺคมคฺคสมงฺคี โทมนสฺสินฺทฺริยํ นปฺปชหิสฺสติ, โน จ จกฺขุนฺทฺริยํ น ปริชานาติ. จตฺตาโร ปุคฺคลา โทมนสฺสินฺทฺริยญฺจ นปฺปชหิสฺสนฺติ จกฺขุนฺทฺริยญฺจ น ปริชานนฺติ.
» โย จกฺขุนฺทฺริยํ น ปริชานาติ โส อนญฺญาตญฺญสฺสามีตินฺทฺริยํ น ภาเวสฺสตีติ?
เย ปุถุชฺชนา มคฺคํ ปฏิลภิสฺสนฺติ เต จกฺขุนฺทฺริยํ น ปริชานนฺติ, โน จ อนญฺญาตญฺญสฺสามีตินฺทฺริยํ น ภาเวสฺสนฺติ. อฏฺฐ ปุคฺคลา จกฺขุนฺทฺริยญฺจ น ปริชานนฺติ อนญฺญาตญฺญสฺสามีตินฺทฺริยญฺจ น ภาเวสฺสนฺติ.
« โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส จกฺขุนฺทฺริยํ น ปริชานาตีติ?
อคฺคมคฺคสมงฺคี อนญฺญาตญฺญสฺสามีตินฺทฺริยํ น ภาเวสฺสติ, โน จ จกฺขุนฺทฺริยํ น ปริชานาติ. อฏฺฐ ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานนฺติ.
» โย จกฺขุนฺทฺริยํ น ปริชานาติ โส อญฺญินฺทฺริยํ น ภาเวสฺสตีติ?
สตฺต ปุคฺคลา จกฺขุนฺทฺริยํ น ปริชานนฺติ, โน จ อญฺญินฺทฺริยํ น ภาเวสฺสนฺติ. ทฺเว ปุคฺคลา จกฺขุนฺทฺริยญฺจ น ปริชานนฺติ อญฺญินฺทฺริยญฺจ น ภาเวสฺสนฺติ.
« โย วา ปน อญฺญินฺทฺริยํ น ภาเวสฺสติ โส จกฺขุนฺทฺริยํ น ปริชานาตีติ?
อคฺคมคฺคสมงฺคี อญฺญินฺทฺริยํ น ภาเวสฺสติ, โน จ จกฺขุนฺทฺริยํ น ปริชานาติ. ทฺเว ปุคฺคลา อญฺญินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานนฺติ.
» โย จกฺขุนฺทฺริยํ น ปริชานาติ โส อญฺญาตาวินฺทฺริยํ น สจฺฉิกริสฺสตีติ?
สตฺต ปุคฺคลา จกฺขุนฺทฺริยํ น ปริชานนฺติ, โน จ อญฺญาตาวินฺทฺริยํ น สจฺฉิกริสฺสนฺติ. ทฺเว ปุคฺคลา จกฺขุนฺทฺริยญฺจ น ปริชานนฺติ อญฺญาตาวินฺทฺริยญฺจ น สจฺฉิกริสฺสนฺติ.
« โย วา ปน อญฺญาตาวินฺทฺริยํ น สจฺฉิกริสฺสติ โส จกฺขุนฺทฺริยํ น ปริชานาตีติ? อามนฺตา. (จกฺขุนฺทฺริยมูลกํ.)
» โย โทมนสฺสินฺทฺริยํ นปฺปชหติ โส อนญฺญาตญฺญสฺสามีตินฺทฺริยํ น ภาเวสฺสตีติ?
เย ปุถุชฺชนา มคฺคํ ปฏิลภิสฺสนฺติ เต โทมนสฺสินฺทฺริยํ นปฺปชหนฺติ, โน จ อนญฺญาตญฺญสฺสามีตินฺทฺริยํ น ภาเวสฺสนฺติ. อฏฺฐ ปุคฺคลา โทมนสฺสินฺทฺริยญฺจ นปฺปชหนฺติ อนญฺญาตญฺญสฺสามีตินฺทฺริยญฺจ น ภาเวสฺสนฺติ.
« โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส โทมนสฺสินฺทฺริยํ นปฺปชหตีติ?
อนาคามิมคฺคสมงฺคี อนญฺญาตญฺญสฺสามีตินฺทฺริยํ น ภาเวสฺสติ, โน จ โทมนสฺสินฺทฺริยํ นปฺปชหติ. อฏฺฐ ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ โทมนสฺสินฺทฺริยญฺจ นปฺปชหนฺติ.
» โย โทมนสฺสินฺทฺริยํ นปฺปชหติ โส อญฺญินฺทฺริยํ น ภาเวสฺสตีติ?
ฉ ปุคฺคลา โทมนสฺสินฺทฺริยํ นปฺปชหนฺติ, โน จ อญฺญินฺทฺริยํ น ภาเวสฺสนฺติ. ตโย ปุคฺคลา โทมนสฺสินฺทฺริยญฺจ นปฺปชหนฺติ อญฺญินฺทฺริยญฺจ น ภาเวสฺสนฺติ.
« โย วา ปน อญฺญินฺทฺริยํ น ภาเวสฺสติ โส โทมนสฺสินฺทฺริยํ นปฺปชหตีติ? อามนฺตา.
» โย โทมนสฺสินฺทฺริยํ นปฺปชหติ โส อญฺญาตาวินฺทฺริยํ น สจฺฉิกริสฺสตีติ?
สตฺต ปุคฺคลา โทมนสฺสินฺทฺริยํ นปฺปชหนฺติ, โน จ อญฺญาตาวินฺทฺริยํ น สจฺฉิกริสฺสนฺติ. ทฺเว ปุคฺคลา โทมนสฺสินฺทฺริยญฺจ นปฺปชหนฺติ อญฺญาตาวินฺทฺริยญฺจ น สจฺฉิกริสฺสนฺติ.
« โย วา ปน อญฺญาตาวินฺทฺริยํ น สจฺฉิกริสฺสติ โส โทมนสฺสินฺทฺริยํ นปฺปชหตีติ? อามนฺตา. (โทมนสฺสินฺทฺริยมูลกํ.)
» โย อนญฺญาตญฺญสฺสามีตินฺทฺริยํ น ภาเวติ โส อญฺญินฺทฺริยํ น ภาเวสฺสตีติ?
ฉ ปุคฺคลา อนญฺญาตญฺญสฺสามีตินฺทฺริยํ น ภาเวนฺติ, โน จ อญฺญินฺทฺริยํ น ภาเวสฺสนฺติ. ตโย ปุคฺคลา อนญฺญาตญฺญสฺสามีตินฺทฺริยญฺจ น ภาเวนฺติ อญฺญินฺทฺริยญฺจ น ภาเวสฺสนฺติ.
« โย วา ปน อญฺญินฺทฺริยํ น ภาเวสฺสติ โส อนญฺญาตญฺญสฺสามีตินฺทฺริยํ น ภาเวตีติ? อามนฺตา.
» โย อนญฺญาตญฺญสฺสามีตินฺทฺริยํ น ภาเวติ โส อญฺญาตาวินฺทฺริยํ น สจฺฉิกริสฺสตีติ?
สตฺต ปุคฺคลา อนญฺญาตญฺญสฺสามีตินฺทฺริยํ น ภาเวนฺติ, โน จ อญฺญาตาวินฺทฺริยํ น สจฺฉิกริสฺสนฺติ. ทฺเว ปุคฺคลา อนญฺญาตญฺญสฺสามีตินฺทฺริยญฺจ น ภาเวนฺติ อญฺญาตาวินฺทฺริยญฺจ น สจฺฉิกริสฺสนฺติ.
« โย วา ปน อญฺญาตาวินฺทฺริยํ น สจฺฉิกริสฺสติ โส อนญฺญาตญฺญสฺสามีตินฺทฺริยํ น ภาเวตีติ? อามนฺตา. (อนญฺญาตญฺญสฺสามีตินฺทฺริยมูลกํ.)
» โย อญฺญินฺทฺริยํ น ภาเวติ โส อญฺญาตาวินฺทฺริยํ น สจฺฉิกริสฺสตีติ?
ปญฺจ ปุคฺคลา อญฺญินฺทฺริยํ น ภาเวนฺติ, โน จ อญฺญาตาวินฺทฺริยํ น สจฺฉิกริสฺสนฺติ. ทฺเว ปุคฺคลา อญฺญินฺทฺริยญฺจ น ภาเวนฺติ อญฺญาตาวินฺทฺริยญฺจ น สจฺฉิกริสฺสนฺติ.
« โย วา ปน อญฺญาตาวินฺทฺริยํ น สจฺฉิกริสฺสติ โส อญฺญินฺทฺริยํ น ภาเวตีติ? อามนฺตา. (อญฺญินฺทฺริยมูลกํ.)