3.6.2 ปจฺจนีก
» โย จกฺขุนฺทฺริยํ น ปริชานิตฺถ โส โทมนสฺสินฺทฺริยํ นปฺปชหิสฺสตีติ?
ปญฺจ ปุคฺคลา จกฺขุนฺทฺริยํ น ปริชานิตฺถ, โน จ โทมนสฺสินฺทฺริยํ นปฺปชหิสฺสนฺติ. จตฺตาโร ปุคฺคลา จกฺขุนฺทฺริยญฺจ น ปริชานิตฺถ โทมนสฺสินฺทฺริยญฺจ นปฺปชหิสฺสนฺติ.
« โย วา ปน โทมนสฺสินฺทฺริยํ นปฺปชหิสฺสติ โส จกฺขุนฺทฺริยํ น ปริชานิตฺถาติ?
อรหา โทมนสฺสินฺทฺริยํ นปฺปชหิสฺสติ, โน จ จกฺขุนฺทฺริยํ น ปริชานิตฺถ. จตฺตาโร ปุคฺคลา โทมนสฺสินฺทฺริยญฺจ นปฺปชหิสฺสนฺติ จกฺขุนฺทฺริยญฺจ น ปริชานิตฺถ.
» โย จกฺขุนฺทฺริยํ น ปริชานิตฺถ โส อนญฺญาตญฺญสฺสามีตินฺทฺริยํ น ภาเวสฺสตีติ?
เย ปุถุชฺชนา มคฺคํ ปฏิลภิสฺสนฺติ เต จกฺขุนฺทฺริยํ น ปริชานิตฺถ, โน จ อนญฺญาตญฺญสฺสามีตินฺทฺริยํ น ภาเวสฺสนฺติ. อฏฺฐ ปุคฺคลา จกฺขุนฺทฺริยญฺจ น ปริชานิตฺถ อนญฺญาตญฺญสฺสามีตินฺทฺริยญฺจ น ภาเวสฺสนฺติ.
« โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส จกฺขุนฺทฺริยํ น ปริชานิตฺถาติ?
อรหา อนญฺญาตญฺญสฺสามีตินฺทฺริยํ น ภาเวสฺสติ, โน จ จกฺขุนฺทฺริยํ น ปริชานิตฺถ. อฏฺฐ ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานิตฺถ.
» โย จกฺขุนฺทฺริยํ น ปริชานิตฺถ โส อญฺญินฺทฺริยํ น ภาเวสฺสตีติ?
สตฺต ปุคฺคลา จกฺขุนฺทฺริยํ น ปริชานิตฺถ, โน จ อญฺญินฺทฺริยํ น ภาเวสฺสนฺติ. ทฺเว ปุคฺคลา จกฺขุนฺทฺริยญฺจ น ปริชานิตฺถ อญฺญินฺทฺริยญฺจ น ภาเวสฺสนฺติ.
« โย วา ปน อญฺญินฺทฺริยํ น ภาเวสฺสติ โส จกฺขุนฺทฺริยํ น ปริชานิตฺถาติ?
อรหา อญฺญินฺทฺริยํ น ภาเวสฺสติ, โน จ จกฺขุนฺทฺริยํ น ปริชานิตฺถ. ทฺเว ปุคฺคลา อญฺญินฺทฺริยญฺจ น ภาเวสฺสนฺติ จกฺขุนฺทฺริยญฺจ น ปริชานิตฺถ.
» โย จกฺขุนฺทฺริยํ น ปริชานิตฺถ โส อญฺญาตาวินฺทฺริยํ น สจฺฉิกริสฺสตีติ?
อฏฺฐ ปุคฺคลา จกฺขุนฺทฺริยํ น ปริชานิตฺถ, โน จ อญฺญาตาวินฺทฺริยํ น สจฺฉิกริสฺสนฺติ. เย ปุถุชฺชนา มคฺคํ น ปฏิลภิสฺสนฺติ เต จกฺขุนฺทฺริยญฺจ น ปริชานิตฺถ อญฺญาตาวินฺทฺริยญฺจ น สจฺฉิกริสฺสนฺติ.
« โย วา ปน อญฺญาตาวินฺทฺริยํ น สจฺฉิกริสฺสติ โส จกฺขุนฺทฺริยํ น ปริชานิตฺถาติ?
อรหา อญฺญาตาวินฺทฺริยํ น สจฺฉิกริสฺสติ, โน จ จกฺขุนฺทฺริยํ น ปริชานิตฺถ. เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ จกฺขุนฺทฺริยญฺจ น ปริชานิตฺถ. (จกฺขุนฺทฺริยมูลกํ.)
» โย โทมนสฺสินฺทฺริยํ นปฺปชหิตฺถ โส อนญฺญาตญฺญสฺสามีตินฺทฺริยํ น ภาเวสฺสตีติ?
เย ปุถุชฺชนา มคฺคํ ปฏิลภิสฺสนฺติ เต โทมนสฺสินฺทฺริยํ นปฺปชหิตฺถ, โน จ อนญฺญาตญฺญสฺสามีตินฺทฺริยํ น ภาเวสฺสนฺติ. ฉ ปุคฺคลา โทมนสฺสินฺทฺริยญฺจ นปฺปชหิตฺถ อนญฺญาตญฺญสฺสามีตินฺทฺริยญฺจ น ภาเวสฺสนฺติ.
« โย วา ปน อนญฺญาตญฺญสฺสามีตินฺทฺริยํ น ภาเวสฺสติ โส โทมนสฺสินฺทฺริยํ นปฺปชหิตฺถาติ?
ตโย ปุคฺคลา อนญฺญาตญฺญสฺสามีตินฺทฺริยํ น ภาเวสฺสนฺติ, โน จ โทมนสฺสินฺทฺริยํ นปฺปชหิตฺถ. ฉ ปุคฺคลา อนญฺญาตญฺญสฺสามีตินฺทฺริยญฺจ น ภาเวสฺสนฺติ โทมนสฺสินฺทฺริยญฺจ นปฺปชหิตฺถ.
» โย โทมนสฺสินฺทฺริยํ นปฺปชหิตฺถ โส อญฺญินฺทฺริยํ น ภาเวสฺสตีติ?
ฉ ปุคฺคลา โทมนสฺสินฺทฺริยํ นปฺปชหิตฺถ, โน จ อญฺญินฺทฺริยํ น ภาเวสฺสนฺติ. เย ปุถุชฺชนา มคฺคํ น ปฏิลภิสฺสนฺติ เต โทมนสฺสินฺทฺริยญฺจ นปฺปชหิตฺถ อญฺญินฺทฺริยญฺจ น ภาเวสฺสนฺติ.
« โย วา ปน อญฺญินฺทฺริยํ น ภาเวสฺสติ โส โทมนสฺสินฺทฺริยํ นปฺปชหิตฺถาติ?
ทฺเว ปุคฺคลา อญฺญินฺทฺริยํ น ภาเวสฺสนฺติ, โน จ โทมนสฺสินฺทฺริยํ นปฺปชหิตฺถ. เย ปุถุชฺชนา มคฺคํ น ปฏิลภิสฺสนฺติ เต อญฺญินฺทฺริยญฺจ น ภาเวสฺสนฺติ โทมนสฺสินฺทฺริยญฺจ นปฺปชหิตฺถ.
» โย โทมนสฺสินฺทฺริยํ นปฺปชหิตฺถ โส อญฺญาตาวินฺทฺริยํ น สจฺฉิกริสฺสตีติ?
ฉ ปุคฺคลา โทมนสฺสินฺทฺริยํ นปฺปชหิตฺถ, โน จ อญฺญาตาวินฺทฺริยํ น สจฺฉิกริสฺสนฺติ. เย ปุถุชฺชนา มคฺคํ น ปฏิลภิสฺสนฺติ เต โทมนสฺสินฺทฺริยญฺจ นปฺปชหิตฺถ อญฺญาตาวินฺทฺริยญฺจ น สจฺฉิกริสฺสนฺติ.
« โย วา ปน อญฺญาตาวินฺทฺริยํ น สจฺฉิกริสฺสติ โส โทมนสฺสินฺทฺริยํ นปฺปชหิตฺถาติ?
อรหา อญฺญาตาวินฺทฺริยํ น สจฺฉิกริสฺสติ, โน จ โทมนสฺสินฺทฺริยํ นปฺปชหิตฺถ. เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ โทมนสฺสินฺทฺริยญฺจ นปฺปชหิตฺถ. (โทมนสฺสินฺทฺริยมูลกํ.)
» โย อนญฺญาตญฺญสฺสามีตินฺทฺริยํ น ภาวิตฺถ โส อญฺญินฺทฺริยํ น ภาเวสฺสตีติ?
ทฺเว ปุคฺคลา อนญฺญาตญฺญสฺสามีตินฺทฺริยํ น ภาวิตฺถ, โน จ อญฺญินฺทฺริยํ น ภาเวสฺสนฺติ. เย ปุถุชฺชนา มคฺคํ น ปฏิลภิสฺสนฺติ เต อนญฺญาตญฺญสฺสามีตินฺทฺริยญฺจ น ภาวิตฺถ อญฺญินฺทฺริยญฺจ น ภาเวสฺสนฺติ.
« โย วา ปน อญฺญินฺทฺริยํ น ภาเวสฺสติ โส อนญฺญาตญฺญสฺสามีตินฺทฺริยํ น ภาวิตฺถาติ?
ทฺเว ปุคฺคลา อญฺญินฺทฺริยํ น ภาเวสฺสนฺติ, โน จ อนญฺญาตญฺญสฺสามีตินฺทฺริยํ น ภาวิตฺถ. เย ปุถุชฺชนา มคฺคํ น ปฏิลภิสฺสนฺติ เต อญฺญินฺทฺริยญฺจ น ภาเวสฺสนฺติ อนญฺญาตญฺญสฺสามีตินฺทฺริยญฺจ น ภาวิตฺถ.
» โย อนญฺญาตญฺญสฺสามีตินฺทฺริยํ น ภาวิตฺถ โส อญฺญาตาวินฺทฺริยํ น สจฺฉิกริสฺสตีติ?
ทฺเว ปุคฺคลา อนญฺญาตญฺญสฺสามีตินฺทฺริยํ น ภาวิตฺถ, โน จ อญฺญาตาวินฺทฺริยํ น สจฺฉิกริสฺสนฺติ. เย ปุถุชฺชนา มคฺคํ น ปฏิลภิสฺสนฺติ เต อนญฺญาตญฺญสฺสามีตินฺทฺริยญฺจ น ภาวิตฺถ อญฺญาตาวินฺทฺริยญฺจ น สจฺฉิกริสฺสนฺติ.
« โย วา ปน อญฺญาตาวินฺทฺริยํ น สจฺฉิกริสฺสติ โส อนญฺญาตญฺญสฺสามีตินฺทฺริยํ น ภาวิตฺถาติ?
อรหา อญฺญาตาวินฺทฺริยํ น สจฺฉิกริสฺสติ, โน จ อนญฺญาตญฺญสฺสามีตินฺทฺริยํ น ภาวิตฺถ. เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ อนญฺญาตญฺญสฺสามีตินฺทฺริยญฺจ น ภาวิตฺถ. (อนญฺญาตญฺญสฺสามีตินฺทฺริยมูลกํ.)
» โย อญฺญินฺทฺริยํ น ภาวิตฺถ โส อญฺญาตาวินฺทฺริยํ น สจฺฉิกริสฺสตีติ?
อฏฺฐ ปุคฺคลา อญฺญินฺทฺริยํ น ภาวิตฺถ, โน จ อญฺญาตาวินฺทฺริยํ น สจฺฉิกริสฺสนฺติ. เย ปุถุชฺชนา มคฺคํ น ปฏิลภิสฺสนฺติ เต อญฺญินฺทฺริยญฺจ น ภาวิตฺถ อญฺญาตาวินฺทฺริยญฺจ น สจฺฉิกริสฺสนฺติ.
« โย วา ปน อญฺญาตาวินฺทฺริยํ น สจฺฉิกริสฺสติ โส อญฺญินฺทฺริยํ น ภาวิตฺถาติ?
อรหา อญฺญาตาวินฺทฺริยํ น สจฺฉิกริสฺสติ, โน จ อญฺญินฺทฺริยํ น ภาวิตฺถ. เย ปุถุชฺชนา มคฺคํ น ปฏิลภิสฺสนฺติ เต อญฺญาตาวินฺทฺริยญฺจ น สจฺฉิกริสฺสนฺติ อญฺญินฺทฺริยญฺจ น ภาวิตฺถ. (อญฺญินฺทฺริยมูลกํ.)
ปริญฺญาวาโร.
อินฺทฺริยยมกปาฬิ นิฏฺฐิตา.
ยมกปกรณํ นิฏฺฐิตํ.