1 อุปฺปตฺติฏฺฐานวาร
2.
3
กตฺถ กามราคานุสโย อนุเสติ? กามธาตุยา ทฺวีสุ เวทนาสุ เอตฺถ กามราคานุสโย อนุเสติ.
4
กตฺถ ปฏิฆานุสโย อนุเสติ? ทุกฺขาย เวทนาย เอตฺถ ปฏิฆานุสโย อนุเสติ.
5
กตฺถ มานานุสโย อนุเสติ? กามธาตุยา ทฺวีสุ เวทนาสุ รูปธาตุยา อรูปธาตุยา เอตฺถ มานานุสโย อนุเสติ.
6
กตฺถ ทิฏฺฐานุสโย อนุเสติ? สพฺพสกฺกายปริยาปนฺเนสุ ธมฺเมสุ เอตฺถ ทิฏฺฐานุสโย อนุเสติ.
7
กตฺถ วิจิกิจฺฉานุสโย อนุเสติ? สพฺพสกฺกายปริยาปนฺเนสุ ธมฺเมสุ เอตฺถ วิจิกิจฺฉานุสโย อนุเสติ.
8
กตฺถ ภวราคานุสโย อนุเสติ? รูปธาตุยา อรูปธาตุยา เอตฺถ ภวราคานุสโย อนุเสติ.
9
กตฺถ อวิชฺชานุสโย อนุเสติ? สพฺพสกฺกายปริยาปนฺเนสุ ธมฺเมสุ เอตฺถ อวิชฺชานุสโย อนุเสติ.
10
อุปฺปตฺติฏฺฐานวาโร.