Skip to content

2.1.6 ปฏิโลมปุคฺคโลกาส

56.
381

»  ยสฺส ยตฺถ กามราคานุสโย นานุเสติ ตสฺส ตตฺถ ปฏิฆานุสโย นานุเสตีติ?

382

ติณฺณํ ปุคฺคลานํ ทุกฺขาย เวทนาย เตสํ ตตฺถ กามราคานุสโย นานุเสติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ รูปธาตุยา อรูปธาตุยา อปริยาปนฺเน เตสํ ตตฺถ กามราคานุสโย จ นานุเสติ ปฏิฆานุสโย จ นานุเสติ. ทฺวินฺนํ ปุคฺคลานํ สพฺพตฺถ กามราคานุสโย จ นานุเสติ ปฏิฆานุสโย จ นานุเสติ.

383

«  ยสฺส วา ปน ยตฺถ ปฏิฆานุสโย นานุเสติ ตสฺส ตตฺถ กามราคานุสโย นานุเสตีติ?

384

ติณฺณํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ ปฏิฆานุสโย นานุเสติ, โน จ เตสํ ตตฺถ กามราคานุสโย นานุเสติ. เตสญฺเญว ปุคฺคลานํ รูปธาตุยา อรูปธาตุยา อปริยาปนฺเน เตสํ ตตฺถ ปฏิฆานุสโย จ นานุเสติ กามราคานุสโย จ นานุเสติ. ทฺวินฺนํ ปุคฺคลานํ สพฺพตฺถ ปฏิฆานุสโย จ นานุเสติ กามราคานุสโย จ นานุเสติ.

385

»  ยสฺส ยตฺถ กามราคานุสโย นานุเสติ ตสฺส ตตฺถ มานานุสโย นานุเสตีติ?

386

ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย นานุเสติ, โน จ เตสํ ตตฺถ มานานุสโย นานุเสติ. เตสญฺเญว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ กามราคานุสโย จ นานุเสติ มานานุสโย จ นานุเสติ. อนาคามิสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ กามราคานุสโย นานุเสติ, โน จ ตสฺส ตตฺถ มานานุสโย นานุเสติ. ตเสฺสว ปุคฺคลสฺส ทุกฺขาย เวทนาย อปริยาปนฺเน ตสฺส ตตฺถ กามราคานุสโย จ นานุเสติ มานานุสโย จ นานุเสติ. อรหโต สพฺพตฺถ กามราคานุสโย จ นานุเสติ มานานุสโย จ นานุเสติ.

387

«  ยสฺส วา ปน ยตฺถ มานานุสโย นานุเสติ ตสฺส ตตฺถ กามราคานุสโย นานุเสตีติ? อามนฺตา.

388

»  ยสฺส ยตฺถ กามราคานุสโย นานุเสติ ตสฺส ตตฺถ ทิฏฺฐานุสโย …เป…  วิจิกิจฺฉานุสโย นานุเสตีติ?

389

ปุถุชฺชนสฺส ทุกฺขาย เวทนาย รูปธาตุยา อรูปธาตุยา ตสฺส ตตฺถ กามราคานุสโย นานุเสติ, โน จ ตสฺส ตตฺถ วิจิกิจฺฉานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ กามราคานุสโย จ นานุเสติ วิจิกิจฺฉานุสโย จ นานุเสติ. ทฺวินฺนํ ปุคฺคลานํ สพฺพตฺถ กามราคานุสโย จ นานุเสติ วิจิกิจฺฉานุสโย จ นานุเสติ.

390

«  ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ กามราคานุสโย นานุเสตีติ?

391

ทฺวินฺนํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ วิจิกิจฺฉานุสโย นานุเสติ, โน จ เตสํ ตตฺถ กามราคานุสโย นานุเสติ. เตสญฺเญว ปุคฺคลานํ ทุกฺขาย เวทนาย รูปธาตุยา อรูปธาตุยา อปริยาปนฺเน เตสํ ตตฺถ วิจิกิจฺฉานุสโย จ นานุเสติ กามราคานุสโย จ นานุเสติ. ทฺวินฺนํ ปุคฺคลานํ สพฺพตฺถ วิจิกิจฺฉานุสโย จ นานุเสติ กามราคานุสโย จ นานุเสติ.

392

»  ยสฺส ยตฺถ กามราคานุสโย นานุเสติ ตสฺส ตตฺถ ภวราคานุสโย นานุเสตีติ?

393

ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย นานุเสติ, โน จ เตสํ ตตฺถ ภวราคานุสโย นานุเสติ. เตสญฺเญว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ กามราคานุสโย จ นานุเสติ ภวราคานุสโย จ นานุเสติ. อนาคามิสฺส รูปธาตุยา อรูปธาตุยา ตสฺส ตตฺถ กามราคานุสโย นานุเสติ, โน จ ตสฺส ตตฺถ ภวราคานุสโย นานุเสติ. ตเสฺสว ปุคฺคลสฺส กามธาตุยา ตีสุ เวทนาสุ อปริยาปนฺเน ตสฺส ตตฺถ กามราคานุสโย จ นานุเสติ ภวราคานุสโย จ นานุเสติ. อรหโต สพฺพตฺถ กามราคานุสโย จ นานุเสติ ภวราคานุสโย จ นานุเสติ.

394

«  ยสฺส วา ปน ยตฺถ ภวราคานุสโย นานุเสติ ตสฺส ตตฺถ กามราคานุสโย นานุเสตีติ?

395

ติณฺณํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ ภวราคานุสโย นานุเสติ, โน จ เตสํ ตตฺถ กามราคานุสโย นานุเสติ. เตสญฺเญว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ ภวราคานุสโย จ นานุเสติ กามราคานุสโย จ นานุเสติ. อรหโต สพฺพตฺถ ภวราคานุสโย จ นานุเสติ กามราคานุสโย จ นานุเสติ.

396

»  ยสฺส ยตฺถ กามราคานุสโย นานุเสติ ตสฺส ตตฺถ อวิชฺชานุสโย นานุเสตีติ?

397

ติณฺณํ ปุคฺคลานํ ทุกฺขาย เวทนาย รูปธาตุยา อรูปธาตุยา เตสํ ตตฺถ กามราคานุสโย นานุเสติ, โน จ เตสํ ตตฺถ อวิชฺชานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ กามราคานุสโย จ นานุเสติ อวิชฺชานุสโย จ นานุเสติ. อนาคามิสฺส กามธาตุยา ตีสุ เวทนาสุ รูปธาตุยา อรูปธาตุยา ตสฺส ตตฺถ กามราคานุสโย นานุเสติ, โน จ ตสฺส ตตฺถ อวิชฺชานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ กามราคานุสโย จ นานุเสติ อวิชฺชานุสโย จ นานุเสติ. อรหโต สพฺพตฺถ กามราคานุสโย จ นานุเสติ อวิชฺชานุสโย จ นานุเสติ.

398

«  ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ กามราคานุสโย นานุเสตีติ? อามนฺตา.

57.
399

»  ยสฺส ยตฺถ ปฏิฆานุสโย นานุเสติ ตสฺส ตตฺถ มานานุสโย นานุเสตีติ?

400

ติณฺณํ ปุคฺคลานํ กามธาตุยา ทฺวีสุ เวทนาสุ รูปธาตุยา อรูปธาตุยา เตสํ ตตฺถ ปฏิฆานุสโย นานุเสติ, โน จ เตสํ ตตฺถ มานานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ ปฏิฆานุสโย จ นานุเสติ มานานุสโย จ นานุเสติ. อนาคามิสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ ปฏิฆานุสโย นานุเสติ, โน จ ตสฺส ตตฺถ มานานุสโย นานุเสติ. ตเสฺสว ปุคฺคลสฺส ทุกฺขาย เวทนาย อปริยาปนฺเน ตสฺส ตตฺถ ปฏิฆานุสโย จ นานุเสติ มานานุสโย จ นานุเสติ. อรหโต สพฺพตฺถ ปฏิฆานุสโย จ นานุเสติ มานานุสโย จ นานุเสติ.

401

«  ยสฺส วา ปน ยตฺถ มานานุสโย นานุเสติ ตสฺส ตตฺถ ปฏิฆานุสโย นานุเสตีติ?

402

ติณฺณํ ปุคฺคลานํ ทุกฺขาย เวทนาย เตสํ ตตฺถ มานานุสโย นานุเสติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ มานานุสโย จ นานุเสติ ปฏิฆานุสโย จ นานุเสติ. อรหโต สพฺพตฺถ มานานุสโย จ นานุเสติ ปฏิฆานุสโย จ นานุเสติ.

403

»  ยสฺส ยตฺถ ปฏิฆานุสโย นานุเสติ ตสฺส ตตฺถ ทิฏฺฐานุสโย …เป…  วิจิกิจฺฉานุสโย นานุเสตีติ?

404

ปุถุชฺชนสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ ปฏิฆานุสโย นานุเสติ, โน จ ตสฺส ตตฺถ วิจิกิจฺฉานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ ปฏิฆานุสโย จ นานุเสติ วิจิกิจฺฉานุสโย จ นานุเสติ. ทฺวินฺนํ ปุคฺคลานํ สพฺพตฺถ ปฏิฆานุสโย จ นานุเสติ วิจิกิจฺฉานุสโย จ นานุเสติ.

405

«  ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ ปฏิฆานุสโย นานุเสตีติ?

406

ทฺวินฺนํ ปุคฺคลานํ ทุกฺขาย เวทนาย เตสํ ตตฺถ วิจิกิจฺฉานุสโย นานุเสติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ กามธาตุยา ทฺวีสุ เวทนาสุ รูปธาตุยา อรูปธาตุยา อปริยาปนฺเน เตสํ ตตฺถ วิจิกิจฺฉานุสโย จ นานุเสติ ปฏิฆานุสโย จ นานุเสติ. ทฺวินฺนํ ปุคฺคลานํ สพฺพตฺถ วิจิกิจฺฉานุสโย จ นานุเสติ ปฏิฆานุสโย จ นานุเสติ.

407

»  ยสฺส ยตฺถ ปฏิฆานุสโย นานุเสติ ตสฺส ตตฺถ ภวราคานุสโย นานุเสตีติ?

408

ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ ปฏิฆานุสโย นานุเสติ, โน จ เตสํ ตตฺถ ภวราคานุสโย นานุเสติ. เตสญฺเญว ปุคฺคลานํ กามธาตุยา ทฺวีสุ เวทนาสุ อปริยาปนฺเน เตสํ ตตฺถ ปฏิฆานุสโย จ นานุเสติ ภวราคานุสโย จ นานุเสติ. อนาคามิสฺส รูปธาตุยา อรูปธาตุยา ตสฺส ตตฺถ ปฏิฆานุสโย นานุเสติ, โน จ ตสฺส ตตฺถ ภวราคานุสโย นานุเสติ. ตเสฺสว ปุคฺคลสฺส กามธาตุยา ตีสุ เวทนาสุ อปริยาปนฺเน ตสฺส ตตฺถ ปฏิฆานุสโย จ นานุเสติ ภวราคานุสโย จ นานุเสติ. อรหโต สพฺพตฺถ ปฏิฆานุสโย จ นานุเสติ ภวราคานุสโย จ นานุเสติ.

409

«  ยสฺส วา ปน ยตฺถ ภวราคานุสโย นานุเสติ ตสฺส ตตฺถ ปฏิฆานุสโย นานุเสตีติ?

410

ติณฺณํ ปุคฺคลานํ ทุกฺขาย เวทนาย เตสํ ตตฺถ ภวราคานุสโย นานุเสติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ กามธาตุยา ทฺวีสุ เวทนาสุ อปริยาปนฺเน เตสํ ตตฺถ ภวราคานุสโย จ นานุเสติ ปฏิฆานุสโย จ นานุเสติ. อรหโต สพฺพตฺถ ภวราคานุสโย จ นานุเสติ ปฏิฆานุสโย จ นานุเสติ.

411

»  ยสฺส ยตฺถ ปฏิฆานุสโย นานุเสติ ตสฺส ตตฺถ อวิชฺชานุสโย นานุเสตีติ?

412

ติณฺณํ ปุคฺคลานํ กามธาตุยา ทฺวีสุ เวทนาสุ รูปธาตุยา อรูปธาตุยา เตสํ ตตฺถ ปฏิฆานุสโย นานุเสติ, โน จ เตสํ ตตฺถ อวิชฺชานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ ปฏิฆานุสโย จ นานุเสติ อวิชฺชานุสโย จ นานุเสติ. อนาคามิสฺส กามธาตุยา ตีสุ เวทนาสุ รูปธาตุยา อรูปธาตุยา ตสฺส ตตฺถ ปฏิฆานุสโย นานุเสติ, โน จ ตสฺส ตตฺถ อวิชฺชานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ ปฏิฆานุสโย จ นานุเสติ อวิชฺชานุสโย จ นานุเสติ. อรหโต สพฺพตฺถ ปฏิฆานุสโย จ นานุเสติ อวิชฺชานุสโย จ นานุเสติ.

413

«  ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ ปฏิฆานุสโย นานุเสตีติ? อามนฺตา.

58.
414

»  ยสฺส ยตฺถ มานานุสโย นานุเสติ ตสฺส ตตฺถ ทิฏฺฐานุสโย …เป…  วิจิกิจฺฉานุสโย นานุเสตีติ?

415

ปุถุชฺชนสฺส ทุกฺขาย เวทนาย ตสฺส ตตฺถ มานานุสโย นานุเสติ, โน จ ตสฺส ตตฺถ วิจิกิจฺฉานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ มานานุสโย จ นานุเสติ วิจิกิจฺฉานุสโย จ นานุเสติ. อรหโต สพฺพตฺถ มานานุสโย จ นานุเสติ วิจิกิจฺฉานุสโย จ นานุเสติ.

416

«  ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ มานานุสโย นานุเสตีติ?

417

ติณฺณํ ปุคฺคลานํ กามธาตุยา ทฺวีสุ เวทนาสุ รูปธาตุยา อรูปธาตุยา เตสํ ตตฺถ วิจิกิจฺฉานุสโย นานุเสติ, โน จ เตสํ ตตฺถ มานานุสโย นานุเสติ. เตสญฺเญว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ วิจิกิจฺฉานุสโย จ นานุเสติ มานานุสโย จ นานุเสติ. อรหโต สพฺพตฺถ วิจิกิจฺฉานุสโย จ นานุเสติ มานานุสโย จ นานุเสติ.

418

»  ยสฺส ยตฺถ มานานุสโย นานุเสติ ตสฺส ตตฺถ ภวราคานุสโย นานุเสตีติ? อามนฺตา.

419

«  ยสฺส วา ปน ยตฺถ ภวราคานุสโย นานุเสติ ตสฺส ตตฺถ มานานุสโย นานุเสตีติ?

420

จตุนฺนํ ปุคฺคลานํ กามธาตุยา ทฺวีสุ เวทนาสุ เตสํ ตตฺถ ภวราคานุสโย นานุเสติ, โน จ เตสํ ตตฺถ มานานุสโย นานุเสติ. เตสญฺเญว ปุคฺคลานํ ทุกฺขาย เวทนาย อปริยาปนฺเน เตสํ ตตฺถ ภวราคานุสโย จ นานุเสติ มานานุสโย จ นานุเสติ. อรหโต สพฺพตฺถ ภวราคานุสโย จ นานุเสติ มานานุสโย จ นานุเสติ.

421

»  ยสฺส ยตฺถ มานานุสโย นานุเสติ ตสฺส ตตฺถ อวิชฺชานุสโย นานุเสตีติ?

422

จตุนฺนํ ปุคฺคลานํ ทุกฺขาย เวทนาย เตสํ ตตฺถ มานานุสโย นานุเสติ, โน จ เตสํ ตตฺถ อวิชฺชานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ มานานุสโย จ นานุเสติ อวิชฺชานุสโย จ นานุเสติ. อรหโต สพฺพตฺถ มานานุสโย จ นานุเสติ อวิชฺชานุสโย จ นานุเสติ.

423

«  ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ มานานุสโย นานุเสตีติ? อามนฺตา.

59.
424

»  ยสฺส ยตฺถ ทิฏฺฐานุสโย นานุเสติ ตสฺส ตตฺถ วิจิกิจฺฉานุสโย นานุเสตีติ? อามนฺตา.

425

«  ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ ทิฏฺฐานุสโย นานุเสตีติ? อามนฺตา.

426

»  ยสฺส ยตฺถ ทิฏฺฐานุสโย …เป…  วิจิกิจฺฉานุสโย นานุเสติ ตสฺส ตตฺถ ภวราคานุสโย นานุเสตีติ?

427

ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ วิจิกิจฺฉานุสโย นานุเสติ, โน จ เตสํ ตตฺถ ภวราคานุสโย นานุเสติ. เตสญฺเญว ปุคฺคลานํ กามธาตุยา ตีสุ เวทนาสุ อปริยาปนฺเน เตสํ ตตฺถ วิจิกิจฺฉานุสโย จ นานุเสติ ภวราคานุสโย จ นานุเสติ. อรหโต สพฺพตฺถ วิจิกิจฺฉานุสโย จ นานุเสติ ภวราคานุสโย จ นานุเสติ.

428

«  ยสฺส วา ปน ยตฺถ ภวราคานุสโย นานุเสติ ตสฺส ตตฺถ วิจิกิจฺฉานุสโย นานุเสตีติ?

429

ปุถุชฺชนสฺส กามธาตุยา ตีสุ เวทนาสุ ตสฺส ตตฺถ ภวราคานุสโย นานุเสติ, โน จ ตสฺส ตตฺถ วิจิกิจฺฉานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ ภวราคานุสโย จ นานุเสติ วิจิกิจฺฉานุสโย จ นานุเสติ. อรหโต สพฺพตฺถ ภวราคานุสโย จ นานุเสติ วิจิกิจฺฉานุสโย จ นานุเสติ.

430

»  ยสฺส ยตฺถ วิจิกิจฺฉานุสโย นานุเสติ ตสฺส ตตฺถ อวิชฺชานุสโย นานุเสตีติ?

431

ติณฺณํ ปุคฺคลานํ กามธาตุยา ตีสุ เวทนาสุ รูปธาตุยา อรูปธาตุยา เตสํ ตตฺถ วิจิกิจฺฉานุสโย นานุเสติ, โน จ เตสํ ตตฺถ อวิชฺชานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ วิจิกิจฺฉานุสโย จ นานุเสติ อวิชฺชานุสโย จ นานุเสติ. อรหโต สพฺพตฺถ วิจิกิจฺฉานุสโย จ นานุเสติ อวิชฺชานุสโย จ นานุเสติ.

432

«  ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ วิจิกิจฺฉานุสโย นานุเสตีติ? อามนฺตา.

60.
433

»  ยสฺส ยตฺถ ภวราคานุสโย นานุเสติ ตสฺส ตตฺถ อวิชฺชานุสโย นานุเสตีติ?

434

จตุนฺนํ ปุคฺคลานํ กามธาตุยา ตีสุ เวทนาสุ เตสํ ตตฺถ ภวราคานุสโย นานุเสติ, โน จ เตสํ ตตฺถ อวิชฺชานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ ภวราคานุสโย จ นานุเสติ อวิชฺชานุสโย จ นานุเสติ. อรหโต สพฺพตฺถ ภวราคานุสโย จ นานุเสติ อวิชฺชานุสโย จ นานุเสติ.

435

«  ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ ภวราคานุสโย นานุเสตีติ? อามนฺตา. (เอกมูลกํ.)

61.
436

»  ยสฺส ยตฺถ กามราคานุสโย จ ปฏิฆานุสโย จ นานุเสนฺติ ตสฺส ตตฺถ มานานุสโย นานุเสตีติ?

437

ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย จ ปฏิฆานุสโย จ นานุเสนฺติ, โน จ เตสํ ตตฺถ มานานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ กามราคานุสโย จ ปฏิฆานุสโย จ นานุเสนฺติ มานานุสโย จ นานุเสติ. อนาคามิสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ กามราคานุสโย จ ปฏิฆานุสโย จ นานุเสนฺติ, โน จ ตสฺส ตตฺถ มานานุสโย นานุเสติ. ตเสฺสว ปุคฺคลสฺส ทุกฺขาย เวทนาย อปริยาปนฺเน ตสฺส ตตฺถ กามราคานุสโย จ ปฏิฆานุสโย จ นานุเสนฺติ มานานุสโย จ นานุเสติ. อรหโต สพฺพตฺถ กามราคานุสโย จ ปฏิฆานุสโย จ นานุเสนฺติ มานานุสโย จ นานุเสติ.

438

«  ยสฺส วา ปน ยตฺถ มานานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ นานุเสนฺตีติ?

439

ติณฺณํ ปุคฺคลานํ ทุกฺขาย เวทนาย เตสํ ตตฺถ มานานุสโย จ กามราคานุสโย จ นานุเสนฺติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ มานานุสโย จ นานุเสติ กามราคานุสโย จ ปฏิฆานุสโย จ นานุเสนฺติ. อรหโต สพฺพตฺถ มานานุสโย จ นานุเสติ กามราคานุสโย จ ปฏิฆานุสโย จ นานุเสนฺติ.

440

»  ยสฺส ยตฺถ กามราคานุสโย จ ปฏิฆานุสโย จ นานุเสนฺติ ตสฺส ตตฺถ ทิฏฺฐานุสโย …เป…  วิจิกิจฺฉานุสโย นานุเสตีติ?

441

ปุถุชฺชนสฺส รูปธาตุยา อรูปธาตุยา ตสฺส ตตฺถ กามราคานุสโย จ ปฏิฆานุสโย จ นานุเสนฺติ, โน จ ตสฺส ตตฺถ วิจิกิจฺฉานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ กามราคานุสโย จ ปฏิฆานุสโย จ นานุเสนฺติ วิจิกิจฺฉานุสโย จ นานุเสติ. ทฺวินฺนํ ปุคฺคลานํ สพฺพตฺถ …เป… .

442

«  ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ นานุเสนฺตีติ?

443

ทฺวินฺนํ ปุคฺคลานํ ทุกฺขาย เวทนาย เตสํ ตตฺถ วิจิกิจฺฉานุสโย จ กามราคานุสโย จ นานุเสนฺติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ กามธาตุยา ทฺวีสุ เวทนาสุ เตสํ ตตฺถ วิจิกิจฺฉานุสโย จ ปฏิฆานุสโย จ นานุเสนฺติ, โน จ เตสํ ตตฺถ กามราคานุสโย นานุเสติ. เตสญฺเญว ปุคฺคลานํ รูปธาตุยา อรูปธาตุยา อปริยาปนฺเน เตสํ ตตฺถ วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ นานุเสนฺติ. ทฺวินฺนํ ปุคฺคลานํ สพฺพตฺถ …เป… .

444

»  ยสฺส ยตฺถ กามราคานุสโย จ ปฏิฆานุสโย จ นานุเสนฺติ ตสฺส ตตฺถ ภวราคานุสโย นานุเสตีติ?

445

ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย จ ปฏิฆานุสโย จ นานุเสนฺติ, โน จ เตสํ ตตฺถ ภวราคานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ กามราคานุสโย จ ปฏิฆานุสโย จ นานุเสนฺติ ภวราคานุสโย จ นานุเสติ. อนาคามิสฺส รูปธาตุยา อรูปธาตุยา ตสฺส ตตฺถ กามราคานุสโย จ ปฏิฆานุสโย จ นานุเสนฺติ, โน จ ตสฺส ตตฺถ ภวราคานุสโย นานุเสติ. ตเสฺสว ปุคฺคลสฺส กามธาตุยา ตีสุ เวทนาสุ อปริยาปนฺเน ตสฺส ตตฺถ กามราคานุสโย จ ปฏิฆานุสโย จ นานุเสนฺติ ภวราคานุสโย จ นานุเสติ. อรหโต สพฺพตฺถ …เป… .

446

«  ยสฺส วา ปน ยตฺถ ภวราคานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ นานุเสนฺตีติ?

447

ติณฺณํ ปุคฺคลานํ ทุกฺขาย เวทนาย เตสํ ตตฺถ ภวราคานุสโย จ กามราคานุสโย จ นานุเสนฺติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ กามธาตุยา ทฺวีสุ เวทนาสุ เตสํ ตตฺถ ภวราคานุสโย จ ปฏิฆานุสโย จ นานุเสนฺติ, โน จ เตสํ ตตฺถ กามราคานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ ภวราคานุสโย จ นานุเสติ กามราคานุสโย จ ปฏิฆานุสโย จ นานุเสนฺติ. อรหโต สพฺพตฺถ …เป… .

448

»  ยสฺส ยตฺถ กามราคานุสโย จ ปฏิฆานุสโย จ นานุเสนฺติ ตสฺส ตตฺถ อวิชฺชานุสโย นานุเสตีติ?

449

ติณฺณํ ปุคฺคลานํ รูปธาตุยา อรูปธาตุยา เตสํ ตตฺถ กามราคานุสโย จ ปฏิฆานุสโย จ นานุเสนฺติ, โน จ เตสํ ตตฺถ อวิชฺชานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ กามราคานุสโย จ ปฏิฆานุสโย จ นานุเสนฺติ อวิชฺชานุสโย จ นานุเสติ. อนาคามิสฺส กามธาตุยา ตีสุ เวทนาสุ รูปธาตุยา อรูปธาตุยา ตสฺส ตตฺถ กามราคานุสโย จ ปฏิฆานุสโย จ นานุเสนฺติ, โน จ ตสฺส ตตฺถ อวิชฺชานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ กามราคานุสโย จ ปฏิฆานุสโย จ นานุเสนฺติ อวิชฺชานุสโย จ นานุเสติ. อรหโต สพฺพตฺถ …เป… .

450

«  ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ นานุเสนฺตีติ? อามนฺตา. (ทุกมูลกํ.)

62.
451

»  ยสฺส ยตฺถ กามราคานุสโย จ ปฏิฆานุสโย จ มานานุสโย จ นานุเสนฺติ ตสฺส ตตฺถ ทิฏฺฐานุสโย …เป…  วิจิกิจฺฉานุสโย นานุเสตีติ? อามนฺตา.

452

«  ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ มานานุสโย จ นานุเสนฺตีติ?

453

ทฺวินฺนํ ปุคฺคลานํ ทุกฺขาย เวทนาย เตสํ ตตฺถ วิจิกิจฺฉานุสโย จ กามราคานุสโย จ มานานุสโย จ นานุเสนฺติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ กามธาตุยา ทฺวีสุ เวทนาสุ เตสํ ตตฺถ วิจิกิจฺฉานุสโย จ ปฏิฆานุสโย จ นานุเสนฺติ, โน จ เตสํ ตตฺถ กามราคานุสโย จ มานานุสโย จ นานุเสนฺติ. เตสญฺเญว ปุคฺคลานํ รูปธาตุยา อรูปธาตุยา เตสํ ตตฺถ วิจิกิจฺฉานุสโย จ กามราคานุสโย จ ปฏิฆานุสโย จ นานุเสนฺติ, โน จ เตสํ ตตฺถ มานานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ มานานุสโย จ นานุเสนฺติ. อนาคามิสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ วิจิกิจฺฉานุสโย จ กามราคานุสโย จ ปฏิฆานุสโย จ นานุเสนฺติ, โน จ ตสฺส ตตฺถ มานานุสโย นานุเสติ. ตเสฺสว ปุคฺคลสฺส ทุกฺขาย เวทนาย อปริยาปนฺเน ตสฺส ตตฺถ วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ มานานุสโย จ นานุเสนฺติ. อรหโต สพฺพตฺถ …เป… .

454

»  ยสฺส ยตฺถ กามราคานุสโย จ ปฏิฆานุสโย จ มานานุสโย จ นานุเสนฺติ ตสฺส ตตฺถ ภวราคานุสโย นานุเสตีติ? อามนฺตา.

455

«  ยสฺส วา ปน ยตฺถ ภวราคานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ มานานุสโย จ นานุเสนฺตีติ?

456

ติณฺณํ ปุคฺคลานํ ทุกฺขาย เวทนาย เตสํ ตตฺถ ภวราคานุสโย จ กามราคานุสโย จ มานานุสโย จ นานุเสนฺติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ กามธาตุยา ทฺวีสุ เวทนาสุ เตสํ ตตฺถ ภวราคานุสโย จ ปฏิฆานุสโย จ นานุเสนฺติ, โน จ เตสํ ตตฺถ กามราคานุสโย จ มานานุสโย จ นานุเสนฺติ. เตสญฺเญว ปุคฺคลานํ อปริยาปนฺเน เตสํ ตตฺถ ภวราคานุสโย จ นานุเสติ กามราคานุสโย จ ปฏิฆานุสโย จ มานานุสโย จ นานุเสนฺติ. อนาคามิสฺส กามธาตุยา ทฺวีสุ เวทนาสุ ตสฺส ตตฺถ ภวราคานุสโย จ กามราคานุสโย จ ปฏิฆานุสโย จ นานุเสนฺติ, โน จ ตสฺส ตตฺถ มานานุสโย นานุเสติ. ตเสฺสว ปุคฺคลสฺส ทุกฺขาย เวทนาย อปริยาปนฺเน ตสฺส ตตฺถ ภวราคานุสโย จ นานุเสติ กามราคานุสโย จ ปฏิฆานุสโย จ มานานุสโย จ นานุเสนฺติ. อรหโต สพฺพตฺถ …เป… .

457

»  ยสฺส ยตฺถ กามราคานุสโย จ ปฏิฆานุสโย จ มานานุสโย จ นานุเสนฺติ ตสฺส ตตฺถ อวิชฺชานุสโย นานุเสตีติ?

458

อนาคามิสฺส ทุกฺขาย เวทนาย ตสฺส ตตฺถ กามราคานุสโย จ ปฏิฆานุสโย จ มานานุสโย จ นานุเสนฺติ, โน จ ตสฺส ตตฺถ อวิชฺชานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ กามราคานุสโย จ ปฏิฆานุสโย จ มานานุสโย จ นานุเสนฺติ อวิชฺชานุสโย จ นานุเสติ. อรหโต สพฺพตฺถ …เป… .

459

«  ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ มานานุสโย จ นานุเสนฺตีติ? อามนฺตา. (ติกมูลกํ.)

63.
460

»  ยสฺส ยตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺติ ตสฺส ตตฺถ วิจิกิจฺฉานุสโย นานุเสตีติ? อามนฺตา.

461

«  ยสฺส วา ปน ยตฺถ วิจิกิจฺฉานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺตีติ?

462

ทฺวินฺนํ ปุคฺคลานํ ทุกฺขาย เวทนาย เตสํ ตตฺถ วิจิกิจฺฉานุสโย จ กามราคานุสโย จ มานานุสโย จ ทิฏฺฐานุสโย จ นานุเสนฺติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ กามธาตุยา ทฺวีสุ เวทนาสุ เตสํ ตตฺถ วิจิกิจฺฉานุสโย จ ปฏิฆานุสโย จ นานุเสนฺติ, โน จ เตสํ ตตฺถ กามราคานุสโย จ มานานุสโย จ นานุเสนฺติ. เตสญฺเญว ปุคฺคลานํ รูปธาตุยา อรูปธาตุยา เตสํ ตตฺถ วิจิกิจฺฉานุสโย จ กามราคานุสโย จ ปฏิฆานุสโย จ ทิฏฺฐานุสโย จ นานุเสนฺติ, โน จ เตสํ ตตฺถ มานานุสโย นานุเสติ. เตสญฺเญว ปุคฺคลานํ อปริยาปนฺเน เตสํ ตตฺถ วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺติ. อนาคามิสฺส กามธาตุยา ทฺวีสุ เวทนาสุ รูปธาตุยา อรูปธาตุยา ตสฺส ตตฺถ วิจิกิจฺฉานุสโย จ กามราคานุสโย จ ปฏิฆานุสโย จ ทิฏฺฐานุสโย จ นานุเสนฺติ, โน จ ตสฺส ตตฺถ มานานุสโย นานุเสติ. ตเสฺสว ปุคฺคลสฺส ทุกฺขาย เวทนาย อปริยาปนฺเน ตสฺส ตตฺถ วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺติ. อรหโต สพฺพตฺถ วิจิกิจฺฉานุสโย จ นานุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ นานุเสนฺติ …เป… . (จตุกฺกมูลกํ.)

64.
463

»  ยสฺส ยตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ ตสฺส ตตฺถ ภวราคานุสโย นานุเสตีติ? อามนฺตา.

464

«  ยสฺส วา ปน ยตฺถ ภวราคานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺตีติ?

465

ปุถุชฺชนสฺส ทุกฺขาย เวทนาย ตสฺส ตตฺถ ภวราคานุสโย จ กามราคานุสโย จ มานานุสโย จ นานุเสนฺติ, โน จ ตสฺส ตตฺถ ปฏิฆานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ. ตเสฺสว ปุคฺคลสฺส กามธาตุยา ทฺวีสุ เวทนาสุ ตสฺส ตตฺถ ภวราคานุสโย จ ปฏิฆานุสโย จ นานุเสนฺติ, โน จ ตสฺส ตตฺถ กามราคานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ. ตเสฺสว ปุคฺคลสฺส อปริยาปนฺเน ตสฺส ตตฺถ ภวราคานุสโย จ นานุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ. ทฺวินฺนํ ปุคฺคลานํ ทุกฺขาย เวทนาย เตสํ ตตฺถ ภวราคานุสโย จ กามราคานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ, โน จ เตสํ ตตฺถ ปฏิฆานุสโย นานุเสติ. เตสญฺเญว ปุคฺคลานํ กามธาตุยา ทฺวีสุ เวทนาสุ เตสํ ตตฺถ ภวราคานุสโย จ ปฏิฆานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ, โน จ เตสํ ตตฺถ กามราคานุสโย จ มานานุสโย จ นานุเสนฺติ. เตสญฺเญว ปุคฺคลานํ อปริยาปนฺเน เตสํ ตตฺถ ภวราคานุสโย จ นานุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ. อนาคามิสฺส กามธาตุยา ทฺวีสุ เวทนาสุ ตสฺส ตตฺถ ภวราคานุสโย จ กามราคานุสโย จ ปฏิฆานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ, โน จ ตสฺส ตตฺถ มานานุสโย นานุเสติ. ตเสฺสว ปุคฺคลสฺส ทุกฺขาย เวทนาย อปริยาปนฺเน ตสฺส ตตฺถ ภวราคานุสโย จ นานุเสติ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ นานุเสนฺติ. อรหโต สพฺพตฺถ …เป… . (ปญฺจกมูลกํ.)

65.
466

»  ยสฺส ยตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺติ ตสฺส ตตฺถ อวิชฺชานุสโย นานุเสตีติ?

467

อนาคามิสฺส ทุกฺขาย เวทนาย ตสฺส ตตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺติ, โน จ ตสฺส ตตฺถ อวิชฺชานุสโย นานุเสติ. ตเสฺสว ปุคฺคลสฺส อปริยาปนฺเน ตสฺส ตตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺติ อวิชฺชานุสโย จ นานุเสติ. อรหโต สพฺพตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺติ อวิชฺชานุสโย จ นานุเสติ.

468

«  ยสฺส วา ปน ยตฺถ อวิชฺชานุสโย นานุเสติ ตสฺส ตตฺถ กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ นานุเสนฺตีติ? อามนฺตา. (ฉกฺกมูลกํ.)

469

อนุสยวาเร ปฏิโลมํ.

อนุสยวาโร.