2.5.1 อนุโลมปุคฺคล
» ยสฺส กามราคานุสโย ปหีโน ตสฺส ปฏิฆานุสโย ปหีโนติ? อามนฺตา.
« ยสฺส วา ปน ปฏิฆานุสโย ปหีโน ตสฺส กามราคานุสโย ปหีโนติ? อามนฺตา.
» ยสฺส กามราคานุสโย ปหีโน ตสฺส มานานุสโย ปหีโนติ?
อนาคามิสฺส กามราคานุสโย ปหีโน, โน จ ตสฺส มานานุสโย ปหีโน. อรหโต กามราคานุสโย จ ปหีโน มานานุสโย จ ปหีโน.
« ยสฺส วา ปน มานานุสโย ปหีโน ตสฺส กามราคานุสโย ปหีโนติ? อามนฺตา.
» ยสฺส กามราคานุสโย ปหีโน ตสฺส ทิฏฺฐานุสโย …เป… วิจิกิจฺฉานุสโย ปหีโนติ? อามนฺตา.
« ยสฺส วา ปน วิจิกิจฺฉานุสโย ปหีโน ตสฺส กามราคานุสโย ปหีโนติ?
ทฺวินฺนํ ปุคฺคลานํ วิจิกิจฺฉานุสโย ปหีโน, โน จ เตสํ กามราคานุสโย ปหีโน. ทฺวินฺนํ ปุคฺคลานํ วิจิกิจฺฉานุสโย จ ปหีโน กามราคานุสโย จ ปหีโน.
» ยสฺส กามราคานุสโย ปหีโน ตสฺส ภวราคานุสโย …เป… อวิชฺชานุสโย ปหีโนติ?
อนาคามิสฺส กามราคานุสโย ปหีโน, โน จ ตสฺส อวิชฺชานุสโย ปหีโน. อรหโต กามราคานุสโย จ ปหีโน อวิชฺชานุสโย จ ปหีโน.
« ยสฺส วา ปน อวิชฺชานุสโย ปหีโน ตสฺส กามราคานุสโย ปหีโนติ? อามนฺตา.
» ยสฺส ปฏิฆานุสโย ปหีโน ตสฺส มานานุสโย ปหีโนติ?
อนาคามิสฺส ปฏิฆานุสโย ปหีโน, โน จ ตสฺส มานานุสโย ปหีโน. อรหโต ปฏิฆานุสโย จ ปหีโน มานานุสโย จ ปหีโน.
« ยสฺส วา ปน มานานุสโย ปหีโน ตสฺส ปฏิฆานุสโย ปหีโนติ? อามนฺตา.
» ยสฺส ปฏิฆานุสโย ปหีโน ตสฺส ทิฏฺฐานุสโย …เป… วิจิกิจฺฉานุสโย ปหีโนติ? อามนฺตา.
« ยสฺส วา ปน วิจิกิจฺฉานุสโย ปหีโน ตสฺส ปฏิฆานุสโย ปหีโนติ?
ทฺวินฺนํ ปุคฺคลานํ วิจิกิจฺฉานุสโย ปหีโน, โน จ เตสํ ปฏิฆานุสโย ปหีโน. ทฺวินฺนํ ปุคฺคลานํ วิจิกิจฺฉานุสโย จ ปหีโน ปฏิฆานุสโย จ ปหีโน.
» ยสฺส ปฏิฆานุสโย ปหีโน ตสฺส ภวราคานุสโย …เป… อวิชฺชานุสโย ปหีโนติ?
อนาคามิสฺส ปฏิฆานุสโย ปหีโน, โน จ ตสฺส อวิชฺชานุสโย ปหีโน. อรหโต ปฏิฆานุสโย จ ปหีโน อวิชฺชานุสโย จ ปหีโน.
« ยสฺส วา ปน อวิชฺชานุสโย ปหีโน ตสฺส ปฏิฆานุสโย ปหีโนติ? อามนฺตา.
» ยสฺส มานานุสโย ปหีโน ตสฺส ทิฏฺฐานุสโย …เป… วิจิกิจฺฉานุสโย ปหีโนติ? อามนฺตา.
« ยสฺส วา ปน วิจิกิจฺฉานุสโย ปหีโน ตสฺส มานานุสโย ปหีโนติ?
ติณฺณํ ปุคฺคลานํ วิจิกิจฺฉานุสโย ปหีโน, โน จ เตสํ มานานุสโย ปหีโน. อรหโต วิจิกิจฺฉานุสโย จ ปหีโน มานานุสโย จ ปหีโน.
» ยสฺส มานานุสโย ปหีโน ตสฺส ภวราคานุสโย …เป… อวิชฺชานุสโย ปหีโนติ? อามนฺตา.
« ยสฺส วา ปน อวิชฺชานุสโย ปหีโน ตสฺส มานานุสโย ปหีโนติ? อามนฺตา.
» ยสฺส ทิฏฺฐานุสโย ปหีโน ตสฺส วิจิกิจฺฉานุสโย ปหีโนติ? อามนฺตา.
« ยสฺส วา ปน วิจิกิจฺฉานุสโย ปหีโน ตสฺส ทิฏฺฐานุสโย ปหีโนติ? อามนฺตา …เป… .
» ยสฺส วิจิกิจฺฉานุสโย ปหีโน ตสฺส ภวราคานุสโย …เป… อวิชฺชานุสโย ปหีโนติ?
ติณฺณํ ปุคฺคลานํ วิจิกิจฺฉานุสโย ปหีโน, โน จ เตสํ อวิชฺชานุสโย ปหีโน. อรหโต วิจิกิจฺฉานุสโย จ ปหีโน อวิชฺชานุสโย จ ปหีโน.
« ยสฺส วา ปน อวิชฺชานุสโย ปหีโน ตสฺส วิจิกิจฺฉานุสโย ปหีโนติ? อามนฺตา.
» ยสฺส ภวราคานุสโย ปหีโน ตสฺส อวิชฺชานุสโย ปหีโนติ? อามนฺตา.
« ยสฺส วา ปน อวิชฺชานุสโย ปหีโน ตสฺส ภวราคานุสโย ปหีโนติ? อามนฺตา. (เอกมูลกํ.)
» ยสฺส กามราคานุสโย จ ปฏิฆานุสโย จ ปหีนา ตสฺส มานานุสโย ปหีโนติ?
อนาคามิสฺส กามราคานุสโย จ ปฏิฆานุสโย จ ปหีนา, โน จ ตสฺส มานานุสโย ปหีโน. อรหโต กามราคานุสโย จ ปฏิฆานุสโย จ ปหีนา มานานุสโย จ ปหีโน.
« ยสฺส วา ปน มานานุสโย ปหีโน ตสฺส กามราคานุสโย จ ปฏิฆานุสโย จ ปหีนาติ? อามนฺตา.
» ยสฺส กามราคานุสโย จ ปฏิฆานุสโย จ ปหีนา ตสฺส ทิฏฺฐานุสโย …เป… วิจิกิจฺฉานุสโย ปหีโนติ? อามนฺตา.
« ยสฺส วา ปน วิจิกิจฺฉานุสโย ปหีโน ตสฺส กามราคานุสโย จ ปฏิฆานุสโย จ ปหีนาติ?
ทฺวินฺนํ ปุคฺคลานํ วิจิกิจฺฉานุสโย ปหีโน, โน จ เตสํ กามราคานุสโย จ ปฏิฆานุสโย จ ปหีนา. ทฺวินฺนํ ปุคฺคลานํ วิจิกิจฺฉานุสโย จ ปหีโน กามราคานุสโย จ ปฏิฆานุสโย จ ปหีนา.
» ยสฺส กามราคานุสโย จ ปฏิฆานุสโย จ ปหีนา ตสฺส ภวราคานุสโย …เป… อวิชฺชานุสโย ปหีโนติ?
อนาคามิสฺส กามราคานุสโย จ ปฏิฆานุสโย จ ปหีนา, โน จ ตสฺส อวิชฺชานุสโย ปหีโน. อรหโต กามราคานุสโย จ ปฏิฆานุสโย จ ปหีนา อวิชฺชานุสโย จ ปหีโน.
« ยสฺส วา ปน อวิชฺชานุสโย ปหีโน ตสฺส กามราคานุสโย จ ปฏิฆานุสโย จ ปหีนาติ? อามนฺตา. (ทุกมูลกํ.)
» ยสฺส กามราคานุสโย จ ปฏิฆานุสโย จ มานานุสโย จ ปหีนา ตสฺส ทิฏฺฐานุสโย …เป… วิจิกิจฺฉานุสโย ปหีโนติ? อามนฺตา.
« ยสฺส วา ปน วิจิกิจฺฉานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ปหีนาติ?
ทฺวินฺนํ ปุคฺคลานํ วิจิกิจฺฉานุสโย ปหีโน, โน จ เตสํ กามราคานุสโย จ ปฏิฆานุสโย จ มานานุสโย จ ปหีนา. อนาคามิสฺส วิจิกิจฺฉานุสโย จ กามราคานุสโย จ ปฏิฆานุสโย จ ปหีนา, โน จ ตสฺส มานานุสโย ปหีโน. อรหโต วิจิกิจฺฉานุสโย จ ปหีโน กามราคานุสโย จ ปฏิฆานุสโย จ มานานุสโย จ ปหีนา.
» ยสฺส กามราคานุสโย จ ปฏิฆานุสโย จ มานานุสโย จ ปหีนา ตสฺส ภวราคานุสโย …เป… อวิชฺชานุสโย ปหีโนติ? อามนฺตา.
« ยสฺส วา ปน อวิชฺชานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ปหีนาติ? อามนฺตา. (ติกมูลกํ.)
» ยสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ ปหีนา ตสฺส วิจิกิจฺฉานุสโย ปหีโนติ? อามนฺตา.
« ยสฺส วา ปน วิจิกิจฺฉานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ ปหีนาติ?
ทฺวินฺนํ ปุคฺคลานํ วิจิกิจฺฉานุสโย จ ทิฏฺฐานุสโย จ ปหีนา, โน จ เตสํ กามราคานุสโย จ ปฏิฆานุสโย จ มานานุสโย จ ปหีนา. อนาคามิสฺส วิจิกิจฺฉานุสโย จ กามราคานุสโย จ ปฏิฆานุสโย จ ทิฏฺฐานุสโย จ ปหีนา, โน จ ตสฺส มานานุสโย ปหีโน. อรหโต วิจิกิจฺฉานุสโย จ ปหีโน กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ ปหีนา …เป… . (จตุกฺกมูลกํ.)
» ยสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ปหีนา ตสฺส ภวราคานุสโย …เป… อวิชฺชานุสโย ปหีโนติ? อามนฺตา.
« ยสฺส วา ปน อวิชฺชานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ปหีนาติ? อามนฺตา. (ปญฺจกมูลกํ.)
» ยสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ ปหีนา ตสฺส อวิชฺชานุสโย ปหีโนติ? อามนฺตา.
« ยสฺส วา ปน อวิชฺชานุสโย ปหีโน ตสฺส กามราคานุสโย จ ปฏิฆานุสโย จ มานานุสโย จ ทิฏฺฐานุสโย จ วิจิกิจฺฉานุสโย จ ภวราคานุสโย จ ปหีนาติ? อามนฺตา. (ฉกฺกมูลกํ.)