2.6 อุปฺปชฺชนวาร
» ยสฺส กามราคานุสโย อุปฺปชฺชติ ตสฺส ปฏิฆานุสโย อุปฺปชฺชตีติ? อามนฺตา.
« ยสฺส วา ปน ปฏิฆานุสโย อุปฺปชฺชติ ตสฺส กามราคานุสโย อุปฺปชฺชตีติ? อามนฺตา.
» ยสฺส กามราคานุสโย อุปฺปชฺชติ ตสฺส มานานุสโย อุปฺปชฺชตีติ? อามนฺตา.
« ยสฺส วา ปน มานานุสโย อุปฺปชฺชติ ตสฺส กามราคานุสโย อุปฺปชฺชตีติ?
อนาคามิสฺส มานานุสโย อุปฺปชฺชติ, โน จ ตสฺส กามราคานุสโย อุปฺปชฺชติ. ติณฺณํ ปุคฺคลานํ มานานุสโย จ อุปฺปชฺชติ กามราคานุสโย จ อุปฺปชฺชติ (วิตฺถาเรตพฺพํ.)
» ยสฺส กามราคานุสโย นุปฺปชฺชติ ตสฺส ปฏิฆานุสโย นุปฺปชฺชตีติ? อามนฺตา.
« ยสฺส วา ปน ปฏิฆานุสโย นุปฺปชฺชติ ตสฺส กามราคานุสโย นุปฺปชฺชตีติ? อามนฺตา.
» ยสฺส กามราคานุสโย นุปฺปชฺชติ ตสฺส มานานุสโย นุปฺปชฺชตีติ?
อนาคามิสฺส กามราคานุสโย นุปฺปชฺชติ, โน จ ตสฺส มานานุสโย นุปฺปชฺชติ. อรหโต กามราคานุสโย จ นุปฺปชฺชติ มานานุสโย จ นุปฺปชฺชติ.
« ยสฺส วา ปน มานานุสโย นุปฺปชฺชติ ตสฺส กามราคานุสโย นุปฺปชฺชตีติ? อามนฺตา. (วิตฺถาเรตพฺพํ.)
อุปฺปชฺชนวาโร.