8.3 จตุฐานํ
246.
582
“กตเมหิ จตูหิ ฐาเนหิ ปาปกมฺมํ น กโรติ? ฉนฺทาคติํ คจฺฉนฺโต ปาปกมฺมํ กโรติ, โทสาคติํ คจฺฉนฺโต ปาปกมฺมํ กโรติ, โมหาคติํ คจฺฉนฺโต ปาปกมฺมํ กโรติ, ภยาคติํ คจฺฉนฺโต ปาปกมฺมํ กโรติ. ยโต โข, คหปติปุตฺต, อริยสาวโก เนว ฉนฺทาคติํ คจฺฉติ, น โทสาคติํ คจฺฉติ, น โมหาคติํ คจฺฉติ, น ภยาคติํ คจฺฉติ; อิเมหิ จตูหิ ฐาเนหิ ปาปกมฺมํ น กโรตี”ติ. อิทมโวจ ภควา. อิทํ วตฺวาน สุคโต อถาปรํ เอตทโวจ สตฺถา—
583
“ฉนฺทา โทสา ภยา โมหา,
โย ธมฺมํ อติวตฺตติ;
นิหียติ ยโส ตสฺส,
กาฬปกฺเขว จนฺทิมา.
584
ฉนฺทา โทสา ภยา โมหา,
โย ธมฺมํ นาติวตฺตติ;
อาปูรติ ยโส ตสฺส,
สุกฺกปกฺเขว จนฺทิมา”ติ.