10.1 สุธาปิณฺฑิยตฺเถรอปทาน
1.
1765
“ปูชารเห ปูชยโต,
พุทฺเธ ยทิ ว สาวเก;
ปปญฺจสมติกฺกนฺเต,
ติณฺณโสกปริทฺทเว.
2.
1766
เต ตาทิเส ปูชยโต,
นิพฺพุเต อกุโตภเย;
น สกฺกา ปุญฺญํ สงฺขาตุํ,
อิเมตฺตมปิ เกนจิ._
3.
1767
จตุนฺนมปิ ทีปานํ,
อิสฺสรํ โยธ การเย;_
เอกิสฺสา ปูชนาเยตํ,
กลํ นาคฺฆติ โสฬสิํ.
4.
1768
สิทฺธตฺถสฺส นรคฺคสฺส,
เจติเย ผลิตนฺตเร;
สุธาปิณฺโฑ มยา ทินฺโน,
วิปฺปสนฺเนน เจตสา.
5.
1769
จตุนฺนวุติโต กปฺเป,
ยํ กมฺมมกริํ ตทา;
ทุคฺคติํ นาภิชานามิ,
ปฏิสงฺขารสฺสิทํ ผลํ.
6.
1770
อิโต ติํสติกปฺปมฺหิ,_
ปฏิสงฺขารสวฺหยา;
สตฺตรตนสมฺปนฺนา,
เตรส จกฺกวตฺติโน.
7.
1771
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
1772
อิตฺถํ สุทํ อายสฺมา สุธาปิณฺฑิโย เถโร อิมา คาถาโย อภาสิตฺถาติ.
1773
สุธาปิณฺฑิยตฺเถรสฺสาปทานํ ปฐมํ.