10.10 พุทฺธุปฏฺฐากตฺเถรอปทาน
“วิปสฺสิสฺส ภควโต,
อโหสิํ สงฺขธมฺมโก;
นิจฺจุปฏฺฐานยุตฺโตมฺหิ,
สุคตสฺส มเหสิโน.
อุปฏฺฐานผลํ ปสฺส,_
โลกนาถสฺส ตาทิโน;
สฏฺฐิตูริยสหสฺสานิ,
ปริวาเรนฺติ มํ สทา.
เอกนวุติโต กปฺเป,
อุปฏฺฐหิํ มหาอิสิํ;_
ทุคฺคติํ นาภิชานามิ,
อุปฏฺฐานสฺสิทํ ผลํ._
จตุวีเส อิโต กปฺเป,
มหานิคฺโฆสนามกา;
โสฬสาสิํสุ ราชาโน,
จกฺกวตฺตี มหพฺพลา.
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”. (1602)
อิตฺถํ สุทํ อายสฺมา พุทฺธุปฏฺฐาโก เถโร อิมา คาถาโย อภาสิตฺถาติ.
พุทฺธุปฏฺฐากตฺเถรสฺสาปทานํ ทสมํ.
สุธาวคฺโค ทสโม.ตสฺสุทฺทานํ
สุธา สุจินฺติ เจฬญฺจ,
สูจี จ คนฺธมาลิโย;
ติปุปฺผิโย มธุเสนา,
เวยฺยาวจฺโจ จุปฏฺฐโก;
สมสฏฺฐิ จ คาถาโย,
อสฺมิํ วคฺเค ปกิตฺติตา.
อถ วคฺคุทฺทานํ
พุทฺธวคฺโค หิ ปฐโม,
สีหาสนิ สุภูติ จ;
กุณฺฑธาโน อุปาลิ จ,
พีชนิสกจินฺติ จ.
นาคสมาโล ติมิโร,
สุธาวคฺเคน เต ทส;
จตุทฺทสสตา คาถา,
ปญฺจปญฺญาสเมว จ.
พุทฺธวคฺคทสกํ.
ปฐมสตกํ สมตฺตํ.