10.6 ติปุปฺผิยตฺเถรอปทาน
31.
1805
“มิคลุทฺโท ปุเร อาสิํ,
อรญฺเญ กานเน อหํ;
ปาฏลิํ หริตํ ทิสฺวา,
ตีณิ ปุปฺผานิ โอกิริํ.
32.
1806
ปติตปตฺตานิ คณฺหิตฺวา,
พหิ ฉฑฺเฑสหํ ตทา;
อนฺโตสุทฺธํ พหิสุทฺธํ,
สุวิมุตฺตํ อนาสวํ.
33.
1807
สมฺมุขา วิย สมฺพุทฺธํ,
วิปสฺสิํ โลกนายกํ;
ปาฏลิํ อภิวาเทตฺวา,
ตตฺถ กาลงฺกโต อหํ.
34.
1808
เอกนวุติโต กปฺเป,
ยํ โพธิมภิปูชยิํ;
ทุคฺคติํ นาภิชานามิ,
โพธิปูชายิทํ ผลํ.
35.
1809
สมนฺตปาสาทิกา นาม,
เตรสาสิํสุ ราชิโน;
อิโต เตตฺติํสกปฺปมฺหิ,_
จกฺกวตฺตี มหพฺพลา.
36.
1810
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1811
อิตฺถํ สุทํ อายสฺมา ติปุปฺผิโย เถโร อิมา คาถาโย อภาสิตฺถาติ.
1812
ติปุปฺผิยตฺเถรสฺสาปทานํ ฉฏฺฐํ.