10.7 มธุปิณฺฑิกตฺเถรอปทาน
37.
1813
“วิปิเน กานเน ทิสฺวา,
อปฺปสทฺเท นิรากุเล;
สิทฺธตฺถํ อิสินํ เสฏฺฐํ,
อาหุตีนํ ปฏิคฺคหํ.
38.
1814
นิพฺพุตตฺตํ มหานาคํ,
นิสภาชานิยํ ยถา;
โอสธิํว วิโรจนฺตํ,
เทวสงฺฆนมสฺสิตํ.
39.
1815
วิตฺติ มมาหุ ตาวเท,
ญาณํ อุปฺปชฺชิ ตาวเท;
วุฏฺฐิตสฺส สมาธิมฺหา,
มธุํ ทตฺวาน สตฺถุโน.
40.
1816
วนฺทิตฺวา สตฺถุโน ปาเท,
ปกฺกามิํ ปาจินามุโข;
จตุตฺติํสมฺหิ กปฺปมฺหิ,
ราชา อาสิํ สุทสฺสโน.
41.
1817
มธุ ภิเสหิ สวติ,
โภชนมฺหิ จ ตาวเท;
มธุวสฺสํ ปวสฺสิตฺถ,
ปุพฺพกมฺมสฺสิทํ ผลํ.
42.
1818
จตุนฺนวุติโต กปฺเป,
ยํ มธุํ อททิํ ตทา;
ทุคฺคติํ นาภิชานามิ,
มธุทานสฺสิทํ ผลํ.
43.
1819
จตุตฺติํเส อิโต กปฺเป,
จตฺตาโร เต สุทสฺสนา;
สตฺตรตนสมฺปนฺนา,
จกฺกวตฺตี มหพฺพลา.
44.
1820
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1821
อิตฺถํ สุทํ อายสฺมา มธุปิณฺฑิโก เถโร อิมา คาถาโย อภาสิตฺถาติ.
1822
มธุปิณฺฑิกตฺเถรสฺสาปทานํ สตฺตมํ.