10.8 เสนาสนทายกตฺเถรอปทาน
45.
1823
“สิทฺธตฺถสฺส ภควโต,
อทาสิํ ปณฺณสนฺถรํ;
สมนฺตา อุปหารญฺจ,
กุสุมํ โอกิริํ อหํ.
46.
1824
ปาสาเทวํ คุณํ รมฺมํ,
อนุโภมิ มหารหํ;
มหคฺฆานิ จ ปุปฺผานิ,
สยเนภิสวนฺติ เม.
47.
1825
สยเนหํ ตุวฏฺฏามิ,
วิจิตฺเต ปุปฺผสนฺถเต;
ปุปฺผวุฏฺฐิ จ สยเน,
อภิวสฺสติ ตาวเท.
48.
1826
จตุนฺนวุติโต กปฺเป,
อทาสิํ ปณฺณสนฺถรํ;
ทุคฺคติํ นาภิชานามิ,
สนฺถรสฺส อิทํ ผลํ.
49.
1827
ติณสนฺถรกา นาม,
สตฺเตเต จกฺกวตฺติโน;
อิโต เต ปญฺจเม กปฺเป,_
อุปฺปชฺชิํสุ ชนาธิปา._
50.
1828
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1829
อิตฺถํ สุทํ อายสฺมา เสนาสนทายโก เถโร อิมา คาถาโย อภาสิตฺถาติ.
1830
เสนาสนทายกตฺเถรสฺสาปทานํ อฏฺฐมํ.