11.2 ญาณสญฺญิกตฺเถรอปทาน
- ญาณสญฺญิกตฺเถรอปทาน
7.
1860
“สุวณฺณวณฺณํ สมฺพุทฺธํ,
นิสภาชานิยํ ยถา;
ติธาปภินฺนํ มาตงฺคํ,
กุญฺชรํว มเหสินํ.
8.
1861
โอภาเสนฺตํ ทิสา สพฺพา,
อุฬุราชํว ปูริตํ;_
รถิยํ ปฏิปชฺชนฺตํ,
โลกเชฏฺฐํ อปสฺสหํ.
9.
1862
ญาเณ จิตฺตํ ปสาเทตฺวา,
ปคฺคเหตฺวาน อญฺชลิํ;
ปสนฺนจิตฺโต สุมโน,
สิทฺธตฺถมภิวาทยิํ.
10.
1863
จตุนฺนวุติโต กปฺเป,
ยํ กมฺมมกริํ ตทา;
ทุคฺคติํ นาภิชานามิ,
ญาณสญฺญายิทํ ผลํ.
11.
1864
เตสตฺตติมฺหิโต กปฺเป,
โสฬสาสุํ นรุตฺตมา;
สตฺตรตนสมฺปนฺนา,
จกฺกวตฺตี มหพฺพลา.
12.
1865
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1866
อิตฺถํ สุทํ อายสฺมา ญาณสญฺญิโก เถโร อิมา คาถาโย อภาสิตฺถาติ.
1867
ญาณสญฺญิกตฺเถรสฺสาปทานํ ทุติยํ.