11.6 อุทกปูชกตฺเถรอปทาน
29.
1890
“สุวณฺณวณฺณํ สมฺพุทฺธํ,
คจฺฉนฺตํ อนิลญฺชเส;
ฆตาสนํว ชลิตํ,
อาทิตฺตํว หุตาสนํ.
30.
1891
ปาณินา อุทกํ คยฺห,
อากาเส อุกฺขิปิํ อหํ;
สมฺปฏิจฺฉิ มหาวีโร,
พุทฺโธ การุณิโก อิสิ.
31.
1892
อนฺตลิกฺเข ฐิโต สตฺถา,
ปทุมุตฺตรนามโก;
มม สงฺกปฺปมญฺญาย,
อิมํ คาถํ อภาสถ._
32.
1893
‘อิมินา ทกทาเนน,
ปีติอุปฺปาทเนน จ;
กปฺปสตสหสฺสมฺปิ,
ทุคฺคติํ นุปปชฺชติ’.
33.
1894
เตน กมฺเมน ทฺวิปทินฺท,
โลกเชฏฺฐ นราสภ;
ปตฺโตมฺหิ อจลํ ฐานํ,
หิตฺวา ชยปราชยํ.
34.
1895
สหสฺสราชนาเมน,
ตโย เต จกฺกวตฺติโน;
ปญฺจสฏฺฐิกปฺปสเต,
จาตุรนฺตา ชนาธิปา.
35.
1896
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
1897
อิตฺถํ สุทํ อายสฺมา อุทกปูชโก เถโร อิมา คาถาโย อภาสิตฺถาติ.
1898
อุทกปูชกตฺเถรสฺสาปทานํ ฉฏฺฐํ.