13.3 ปายสทายกตฺเถรอปทาน
26.
2083
“สุวณฺณวณฺโณ สมฺพุทฺโธ,
พาตฺติํสวรลกฺขโณ;
ปวนา อภินิกฺขนฺโต,
ภิกฺขุสํฆปุรกฺขโต.
27.
2084
มหจฺจา กํสปาติยา,
วฑฺเฒตฺวา ปายสํ อหํ;
อาหุติํ ยิฏฺฐุกาโม โส,
อุปเนสิํ พลิํ อหํ._
28.
2085
ภควา ตมฺหิ สมเย,
โลกเชฏฺโฐ นราสโภ;
จงฺกมํ สุสมารูโฬฺห,
อมฺพเร อนิลายเน.
29.
2086
ตญฺจ อจฺฉริยํ ทิสฺวา,
อพฺภุตํ โลมหํสนํ;
ฐปยิตฺวา กํสปาติํ,
วิปสฺสิํ อภิวาทยิํ.
30.
2087
ตุวํ เทโวสิ สพฺพญฺญู,
สเทเว สหมานุเส;
อนุกมฺปํ อุปาทาย,
ปฏิคณฺห มหามุนิ.
31.
2088
ปฏิคฺคเหสิ ภควา,
สพฺพญฺญู โลกนายโก;
มม สงฺกปฺปมญฺญาย,
สตฺถา โลเก มหามุนิ.
32.
2089
เอกนวุติโต กปฺเป,
ยํ ทานมททิํ ตทา;
ทุคฺคติํ นาภิชานามิ,
ปายสสฺส อิทํ ผลํ.
33.
2090
เอกตาลีสิโต กปฺเป,
พุทฺโธ นามาสิ ขตฺติโย;
สตฺตรตนสมฺปนฺโน,
จกฺกวตฺตี มหพฺพโล.
34.
2091
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2092
อิตฺถํ สุทํ อายสฺมา ปายสทายโก เถโร อิมา คาถาโย อภาสิตฺถาติ.
2093
ปายสทายกตฺเถรสฺสาปทานํ ตติยํ.