13.7 ผลทายกตฺเถรอปทาน
75.
2140
“อชฺฌายโก มนฺตธโร,
ติณฺณํ เวทาน ปารคู;
หิมวนฺตสฺสาวิทูเร,
วสามิ อสฺสเม อหํ.
76.
2141
อคฺคิหุตฺตญฺจ เม อตฺถิ,
ปุณฺฑรีกผลานิ จ;
ปุฏเก นิกฺขิปิตฺวาน,
ทุมคฺเค ลคฺคิตํ มยา.
77.
2142
ปทุมุตฺตโร โลกวิทู,
อาหุตีนํ ปฏิคฺคโห;
มมุทฺธริตุกาโม โส,
ภิกฺขนฺโต มมุปาคมิ.
78.
2143
ปสนฺนจิตฺโต สุมโน,
ผลํ พุทฺธสฺสทาสหํ;
วิตฺติสญฺชนโน มยฺหํ,
ทิฏฺฐธมฺมสุขาวโห.
79.
2144
สุวณฺณวณฺโณ สมฺพุทฺโธ,
อาหุตีนํ ปฏิคฺคโห;
อนฺตลิกฺเข ฐิโต สตฺถา,
อิมํ คาถํ อภาสถ._
80.
2145
‘อิมินา ผลทาเนน,
เจตนาปณิธีหิ จ;
กปฺปานํ สตสหสฺสํ,
ทุคฺคติํ นุปปชฺชติ’.
81.
2146
เตเนว สุกฺกมูเลน,
อนุโภตฺวาน สมฺปทา;
ปตฺโตมฺหิ อจลํ ฐานํ,
หิตฺวา ชยปราชยํ.
82.
2147
อิโต สตฺตสเต กปฺเป,_
ราชา อาสิํ สุมงฺคโล;
สตฺตรตนสมฺปนฺโน,
จกฺกวตฺตี มหพฺพโล.
83.
2148
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2149
อิตฺถํ สุทํ อายสฺมา ผลทายโก เถโร อิมา คาถาโย อภาสิตฺถาติ.
2150
ผลทายกตฺเถรสฺสาปทานํ สตฺตมํ.