14.4 ปุปฺผจฺฉทนิยตฺเถรอปทาน
26.
2213
“สุนนฺโท นาม นาเมน,
พฺราหฺมโณ มนฺตปารคู;
อชฺฌายโก ยาจโยโค,
วาชเปยฺยํ อยาชยิ.
27.
2214
ปทุมุตฺตโร โลกวิทู,
อคฺโค การุณิโก อิสิ;
ชนตํ อนุกมฺปนฺโต,
อมฺพเร จงฺกมี ตทา.
28.
2215
จงฺกมิตฺวาน สมฺพุทฺโธ,
สพฺพญฺญู โลกนายโก;
เมตฺตาย อผริ สตฺเต,
อปฺปมาเณ นิรูปธิ.
29.
2216
วณฺเฏ เฉตฺวาน ปุปฺผานิ,
พฺราหฺมโณ มนฺตปารคู;
สพฺเพ สิเสฺส สมาเนตฺวา,
อากาเส อุกฺขิปาปยิ.
30.
2217
ยาวตา นครํ อาสิ,
ปุปฺผานํ ฉทนํ ตทา;
พุทฺธสฺส อานุภาเวน,
สตฺตาหํ น วิคจฺฉถ.
31.
2218
เตเนว สุกฺกมูเลน,
อนุโภตฺวาน สมฺปทา;
สพฺพาสเว ปริญฺญาย,
ติณฺโณ โลเก วิสตฺติกํ.
32.
2219
เอการเส กปฺปสเต,
ปญฺจติํสาสุ ขตฺติยา;
อมฺพรํสสนามา เต,
จกฺกวตฺตี มหพฺพลา.
33.
2220
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2221
อิตฺถํ สุทํ อายสฺมา ปุปฺผจฺฉทนิโย เถโร อิมา คาถาโย อภาสิตฺถาติ.
2222
ปุปฺผจฺฉทนิยตฺเถรสฺสาปทานํ จตุตฺถํ.