14.5 รโหสญฺญกตฺเถรอปทาน
34.
2223
“หิมวนฺตสฺสาวิทูเร,
วสโภ นาม ปพฺพโต;
ตสฺมิํ ปพฺพตปาทมฺหิ,
อสฺสโม อาสิ มาปิโต.
35.
2224
ตีณิ สิสฺสสหสฺสานิ,
วาเจสิํ พฺราหฺมโณ ตทา;
สํหริตฺวาน เต สิเสฺส,
เอกมนฺตํ อุปาวิสิํ.
36.
2225
เอกมนฺตํ นิสีทิตฺวา,
พฺราหฺมโณ มนฺตปารคู;
พุทฺธเวทํ คเวสนฺโต,
ญาเณ จิตฺตํ ปสาทยิํ.
37.
2226
ตตฺถ จิตฺตํ ปสาเทตฺวา,
นิสีทิํ ปณฺณสนฺถเร;
ปลฺลงฺกํ อาภุชิตฺวาน,
ตตฺถ กาลงฺกโต อหํ.
38.
2227
เอกตฺติํเส อิโต กปฺเป,
ยํ สญฺญมลภิํ ตทา;
ทุคฺคติํ นาภิชานามิ,
ญาณสญฺญายิทํ ผลํ.
39.
2228
สตฺตวีสติกปฺปมฺหิ,
ราชา สิริธโร อหุ;
สตฺตรตนสมฺปนฺโน,
จกฺกวตฺตี มหพฺพโล.
40.
2229
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2230
อิตฺถํ สุทํ อายสฺมา รโหสญฺญโก เถโร อิมา คาถาโย อภาสิตฺถาติ.
2231
รโหสญฺญกตฺเถรสฺสาปทานํ ปญฺจมํ.