14.6 จมฺปกปุปฺผิยตฺเถรอปทาน
41.
2232
“กณิการํว โชตนฺตํ,
นิสินฺนํ ปพฺพตนฺตเร;
โอภาเสนฺตํ ทิสา สพฺพา,
โอสธิํ วิย ตารกํ.
42.
2233
ตโย มาณวกา อาสุํ,
สเก สิปฺเป สุสิกฺขิตา;
ขาริภารํ คเหตฺวาน,
อเนฺวนฺติ มม ปจฺฉโต.
43.
2234
ปุฏเก สตฺต ปุปฺผานิ,
นิกฺขิตฺตานิ ตปสฺสินา;
คเหตฺวา ตานิ ญาณมฺหิ,
เวสฺสภุสฺสาภิโรปยิํ.
44.
2235
เอกตฺติํเส อิโต กปฺเป,
ยํ ปุปฺผมภิโรปยิํ;
ทุคฺคติํ นาภิชานามิ,
ญาณปูชายิทํ ผลํ.
45.
2236
เอกูนติํสกปฺปมฺหิ,
วิปุลาภสนามโก;
สตฺตรตนสมฺปนฺโน,
จกฺกวตฺตี มหพฺพโล.
46.
2237
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2238
อิตฺถํ สุทํ อายสฺมา จมฺปกปุปฺผิโย เถโร อิมา คาถาโย อภาสิตฺถาติ.
2239
จมฺปกปุปฺผิยตฺเถรสฺสาปทานํ ฉฏฺฐํ.