15.1 อติฉตฺติยตฺเถรอปทาน
1.
2278
“ปรินิพฺพุเต ภควติ,
อตฺถทสฺสีนรุตฺตเม;
ฉตฺตาติฉตฺตํ กาเรตฺวา,
ถูปมฺหิ อภิโรปยิํ.
2.
2279
กาเลน กาลมาคนฺตฺวา,
นมสฺสิํ โลกนายกํ;
ปุปฺผจฺฉทนํ กตฺวาน,
ฉตฺตมฺหิ อภิโรปยิํ.
3.
2280
สตฺตรเส กปฺปสเต,
เทวรชฺชมการยิํ;
มนุสฺสตฺตํ น คจฺฉามิ,
ถูปปูชายิทํ ผลํ.
4.
2281
ปฏิสมฺภิทา จตโสฺส,
วิโมกฺขาปิ จ อฏฺฐิเม;
ฉฬภิญฺญา สจฺฉิกตา,
กตํ พุทฺธสฺส สาสนํ”.
2282
อิตฺถํ สุทํ อายสฺมา อติฉตฺติโย เถโร อิมา คาถาโย อภาสิตฺถาติ.
2283
อติฉตฺติยตฺเถรสฺสาปทานํ ปฐมํ.