15.7 มคฺคทายกตฺเถรอปทาน
32.
2321
“อุตฺตริตฺวาน นทิกํ,
วนํ คจฺฉติ จกฺขุมา;
ตมทฺทสาสิํ สมฺพุทฺธํ,
สิทฺธตฺถํ วรลกฺขณํ.
33.
2322
กุทาล ปิฏกมาทาย,
สมํ กตฺวาน ตํ ปถํ;
สตฺถารํ อภิวาเทตฺวา,
สกํ จิตฺตํ ปสาทยิํ.
34.
2323
จตุนฺนวุติโต กปฺเป,
ยํ กมฺมมกริํ ตทา;
ทุคฺคติํ นาภิชานามิ,
มคฺคทานสฺสิทํ ผลํ.
35.
2324
สตฺตปญฺญาสกปฺปมฺหิ,
เอโก อาสิํ ชนาธิโป;
นาเมน สุปฺปพุทฺโธติ,
นายโก โส นริสฺสโร.
36.
2325
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2326
อิตฺถํ สุทํ อายสฺมา มคฺคทายโก เถโร อิมา คาถาโย อภาสิตฺถาติ.
2327
มคฺคทายกตฺเถรสฺสาปทานํ สตฺตมํ.