15.8 ผลกทายกตฺเถรอปทาน
37.
2328
“ยานกาโร ปุเร อาสิํ,
ทารุกมฺเม สุสิกฺขิโต;
จนฺทนํ ผลกํ กตฺวา,
อทาสิํ โลกพนฺธุโน.
38.
2329
ปภาสติ อิทํ พฺยมฺหํ,
สุวณฺณสฺส สุนิมฺมิตํ;
หตฺถิยานํ อสฺสยานํ,
ทิพฺพยานํ อุปฏฺฐิตํ.
39.
2330
ปาสาทา สิวิกา เจว,
นิพฺพตฺตนฺติ ยทิจฺฉกํ;
อกฺโขภํ รตนํ มยฺหํ,
ผลกสฺส อิทํ ผลํ.
40.
2331
เอกนวุติโต กปฺเป,
ผลกํ ยมหํ ททิํ;
ทุคฺคติํ นาภิชานามิ,
ผลกสฺส อิทํ ผลํ.
41.
2332
สตฺตปญฺญาสกปฺปมฺหิ,
จตุโร นิมฺมิตาวฺหยา;
สตฺตรตนสมฺปนฺนา,
จกฺกวตฺตี มหพฺพลา.
42.
2333
ปฏิสมฺภิทา จตโสฺส,
_ …เป… _
กตํ พุทฺธสฺส สาสนํ”.
2334
อิตฺถํ สุทํ อายสฺมา ผลกทายโก เถโร อิมา คาถาโย อภาสิตฺถาติ.
2335
ผลกทายกตฺเถรสฺสาปทานํ อฏฺฐมํ.